بەرپرسێ لقی ۱۷ێ پارتی ل شنگال و ئەندامێ سەرکردایەتیا پارتی دیموکراتی کوردستان راگەهاند، دەستکەفتێن ئەڤرۆ بەرهەمێ شۆرەشێن کوردی یە، ب تایبەت شۆرەشا گۆلانا پێشکەفتن خۆاز، جونکی لڤێ شۆرەشێ پارتی دیموکراتی کوردستان بەردەوامی دا شۆرەشا ئەیلولا مەزن و کوردێن ئیزیدی ژی رۆلەکێ پیرۆز د ڤان دەستکەفتاندا هەبوویە.

بورینا 24 سالان لسەر شۆرەشا ۲٦ێ گولانا پێشکەفتنخۆاز، لقێ ۱۷یێ پارتی لژێر دروشمێ "هەچیێ نەزانیت دیرۆکا خۆ، ئەو یێ دوور ژ مرۆڤایەتی و وەلاتێ خو" ل بنگەهێ لالش ل دهۆکێ ساخکر.

قادر قەچاخ، بەرپرسێ لقی ۱۷ یێ پارتی ل شنگالێ، دهەمان دەمدا ئەندامێ سەرکردایەتیا پارتی د بیروەریا شۆرەشا ۲٦ێ گۆلانا پێشکەفتنخواز بۆ مالپەرێ فەرمیێ پارتی دیموکراتی کوردستان گۆت:" لگۆر دیرۆکا مللەتێ کورد ب دوو جوران شەر هاتیە کرن، ئەو ژی ب جەک و هزروبیر و بەردەوامی دایە خەباتا خۆ، شۆرەشا گۆلانێ دەسپێکا پەیدا بوونا رەوشەنبیرەتێ یە و بەردەوامیدان ب شۆرەشا ئەیلولا مەزنە، کۆ بەرهەمێ ڤێ شۆرەشێ سەرهلدانا پیرۆزا سالا ۱۹۹۱ێ بوویە"

قادر قەچاخ زەلالکر: "بارزانیێ نەمر شیا گیانێ نەتەوەیی بکەتە دروحا کوردستانیاندا، ئەڤ ئارامیا نوکە کوردستان تێدا بەرهەمێ ڤان شۆرەشان بوویە؛ دیسان پێشمەرگەی کوردستانێ ب جەکێ باوەریێ شەرێ هەمی دونیایێ و داگیرکەران کریە، نوکە دەمێ ئازادی و بدەستڤەئینانا ئەنجامێن ریفراندۆمێ یە؛ داکۆ ئێدی تووشی دەربەدەری و ئەنفال و کومکوژیێ نەبینە ڤە".

بەرپرسێ لقێ ۱۷ی پارتی خۆیاکر: "لڤێ بیرەوەریێ خولەکا رەوشەنبیری و گەشەپێدانا کادران بۆ ٦۰ کادرێن لقا شنگالێ بۆ ماوەیێ دوو هەیڤ و پازدە رۆژان هاتیە ڤەکرن ژبۆ پێگەهاندنا کادرێن دەسپێکی".
kdp -