ئەمڕۆ هەینی دۆناڵد تره‌مپ سه‌رۆكی ئه‌مه‌ریكا لە هەڵوێستەكەی دوێنێی پاشگەز بووەوە كە دیدارەكەی لەگەڵ كیم جۆنگ ئۆن سەرۆكی كۆریای باكوور رەت كردبووەوە، بەڵكو رایگەیاند كە رەنگە لە كاتی دیاریكراودا دیدارە چاوەڕوانكراوەكە ئەنجام بدەن.


ئەمڕۆ ترەمپ بۆ رۆژنامەنووسان دووپاتی كردەوە كە گفتوگۆكان لەگەڵ كۆریا بەردەوامە و چاوەڕوان دەكەن بزانن چی روودەدات.


گوتیشی "رەنگە كۆبوونەوە چاوەڕوانكراوەكەی 12ی حوزه‌یرانی داهاتوو لە كاتی خۆیدا ئه‌نجام بدرێت، ئێمە دەمانەوێ ئەم كارە بكەین".


ئه‌م لێدوانه‌ی تره‌مپ له‌كاتێكدایه‌ كە دوێنێ پێنجشه‌ممه‌ كۆشكی سپی هه‌ڵوه‌شاندنه‌وه‌ی كۆبوونه‌وه‌ی لووتكه‌ی ترەمپ و كیم جۆنگی راگەیاند، له‌ به‌رامبه‌ریشدا كۆریای باكوور رایگه‌یاند كات و ده‌رفه‌تی زیاتر به‌ ئه‌مه‌ریكا دەدەن.
bas news -