کۆمسیۆنی باڵای سەربەخۆی هەڵبژاردنەکانی عێراق وەڵامی سکاڵاکانی لایەنە سیاسییەکان دەداتەوە.

بەپێی نووسراوێکی کۆمسیۆن، ئەنجومەنی کۆمسیاران بڕیاری لەسەر سکاڵای لایەنە سیاسییەکان لەسەر پرۆسەی هەڵبژاردن لە پارێزگاکانی هەولێر، دهۆک، کەرکووک، نەینەوا، سەڵاحەدین، قادسیە، بابل و کەربەلا داوە.

هەروەک لە بڕیارەکەدا هاتووە، کۆمسیۆن هەموو سکاڵاکانی لایەنەکان لەبارەی پرۆسەی هەڵبژاردن لەو پارێزگایانە رەت دەکاتەوە، چونکە ”بەڵگەی پێویست و پێشێلکاری رووی نەداوە“.

ئەو کەس و لایەنانەی لەو بڕیارە ناڕازین، دەتوانن لەماوەی سێ رۆژ لە دەستەی دادوەریی هەڵبژاردنەکان تانە لەو بڕیارە بدەن.

رۆژی شەممە 12/5/2018 پرۆسەی دەنگدانی گشتی لە هەڵبژاردنی خولی چوارەمی پەرلەمانی عێراق لەو وڵاتە و هەرێمی کوردستان ئەنجام درا.









باسنيوز