پشتی هەلبژارتنان جارەكا دی سۆپایێ عیراقێ رێیا ناوەران داخست
سەعید ئەسكەندەر، بەرپرسێ راگەهاندنا سۆپایێ سێ یێ زێرەڤانی ل میحوەرێ ناوەران، دیار كر، رێیا ناوەران بەری هەلبژارتنێن پەرلەمانێ عیراقێ ب چەند رۆژەكان هاتە ڤەكرن و پشتی ب دووماهی هاتنا هەلبژارتنان، جارەكا دی ئەڤ رێیە ژلایێ فرقا 16 یا سۆپایێ عیراقێ ڤە هاتە داخستن و نها حەشدا شەعبی ل وێ دەڤەرێ نەمایە و ژ ئالیێ سۆپایێ عیراقێ ڤە دهێتە برێڤەبرن.
ئاشكرا ژی كر، ل شەڤا 11/5/2018 مە ل میحوەرێ ناوەران رێككەفتن ل گەل سۆپایێ عیراقێ گرێدا بۆ ڤەكرنا رێیا ناوەران و هاوولاتیان ب شێوەیەكێ فەرمی هاتن و چوون دناڤبەرا شێخان و مووسل دا دكر، بەلێ پشتی هەلبژارتنان وان ئێكسەر ئەو رێیە داخست و گۆتیشی: زالگەها سۆپایێ عیراقێ رێ ب شەفەلێ داخستەڤە.
باسنیۆز
