بەرپرسێ لقێ ٢٠ـێ پارتی دیموکراتی کوردستان ل شێخان راگەهاند، خەلکێ نافچەیێن کوردستانی یێن دەرڤەی ئیدارەیا هەرێمێ ب گشتی و ب تایبەت یێن مووسلێ جارەکا دی سۆزێن خۆ بۆ پارتی دووپاتکرن و دەنگێن خۆ دانە پارتی.

مەحموود ئێزدی، بۆ ماڵپەرێ فەرمیی یێ پارتی دیموکراتی کوردستان زەلالکر، ژبەرکوو تەڤاهیا نافچەیێن کوردستانی یێن دەرڤەی ئیدارەیا هەرێمی هیڤی خوازن ڤەگەرنە سەر هەرێما کوردستانێ و ناخوازن د بن دەستێ هێزێن میلیشیایی دابن و د هەلبژارتنێن ١٢ ڤێ مەهێ دا هەمووان سۆزێن خۆ بۆ لیستا پارتی و ب تایبەت نافچەیێن مووسلێ دووپاتکرن.

ئێزدی ئاماژە دا وێ یەکێ کر، خەلکێ ڤێ نافچەیێ دزانن کو دەما ئێڕشێن داعشێ و ئێڕشێن پشتی هنگی پارتی ب هەموو ڕەنگان پشتەڤانی ژ نافچەیێن وان دکر و پشتەڤانیا خۆ بۆ وان دیارکر و نها ژی ل ڤان نافچەیان زۆرینەیا دەنگان پارتی ب دەستڤەئیناینە.

پشتی خیانەتکاریا ١٦ـی ئۆکتۆبەرێ تاقمەکی ناڤ لایەنەکی کوردی کەرکووک بێ شەڕ رادەستی میلیشیایێن حەشدا شەعبی کری و پشتی هنگی رێ هاتە خۆشکرن کو شنگال و دەشتا نەینەوا باشیک و چەندین جهێن دی بکەڤنە دبن دەستێ وێ هیزا میلیشایی دا.

پێدڤی ب ڤێ یەکێ ژی نها پارتی هێزا دووێ یە ل مووسلێ سەرەرای هەبوونا فشارێن حەشدا شەعبی ژی شیاییە دەنگێن زۆربەیا نافچەیێن کوردستانێ و ب تایبەت مووسلێ ب دەستڤەبینیت.
kdp -