هێمن هەورامی، ئەندامی سەرکردایەتیی پارتی دیموکراتی کوردستان لە ئۆسلۆ بۆ جەماوەری پارتی گوتی، هەر پرسێک پارتی دەستی بۆ بردبێت، بۆ کورد دەستکەوتێکی گەورە بووە.

ئیوارەی ۸ی ٥ی ۲٠۱۸ لە ئۆسلۆی پایتەختی نەرویج، کۆبوونەوەیەکی سیاسی و جەماوەریی بەرفراوان، لە لایەن هەڤاڵانی ناوچە و ڕێکخراوەکانی نەرویجەوە، بۆ ھێمن ھەورامی، ئەندامی سەركردایەتی و سەرپرشتیاری بانگەشەی ھەڵبژاردنەكان لە ئەوروپا ڕێك خرا.

ھەورامی بە وردی باسی لە سیاسەت و هەڵوێستەکانی جەنابی سەرۆک و پارتی کرد لەسەر پرسی هەڵبژاردنەکان و هێستیریای کاڵفامەکان و بایەخی بردنەوەی یەکەمێکی بەهێز لە ناو کوردانی تاراوگەدا بۆ پارتی.

سەرپرشتیاری بانگەشەی ھەڵبژاردنەكانی پارتی لە ئەوروپا، ئاماژەی بەو خاڵانە كرد، كە پارتی مەبەستییەتی لە ھەڵبژاردنانەدا وەدەستیان بخات. چونكە پرسە نەتەوەیی و نیشتیمانییەكان دەبەینە بەغدا و پرسە خزمەتگوزارییەكانیش بۆ ھەرێم بەجێ دەھێڵین. دەبێ ھێزی پارتی لە ئاستێكدا بێت، كە حكوومەتی بەغدا ناچاری جێبەجێكردنی ئەو بڕگە و ماددانە بێت كە دەستووری عێراق یەكلایی كردوونەتەوە بۆ مافەكانی كورد و خاكەكەی. لە ئەزموونی ڕابردووماندا ئەوە سەلمێنراوە كە پارتی تاقانە ھێزەكەی كوردە لە بەغداد بۆ پرسەنەتەوەیی و نیشتمانییەكان. ھەورام یئەوەیشی گوت، ھەر پرسێك پارتی ھورووژاندبێتی و كاری لەسەر كردبێت، ئەوا كورد دەستكەوتێكی نەتەوەیی بەدەست ھێناوە. بەڵام لایەنەكانی دیكە بۆ بەرژەوەندیی خۆیان ھەر پرسێكیان ھوروژاندبێت، ئەوا دەستكەوتێك لە كوردلە دەست دراوە و بەرژەوەندییەكی شەخسی بەدەست ھێنراوە.

ئەو ئەندامەی سەركردایەتیی پارتی، ئەندام و لایەنگرانی پارتی لە تاراوگە ڕاسپارد بە گوڕوتینێكی گەرمەوە، سەركەوتنێك لە تاراوگەوە بۆ پارتی وەدی بێنن.
kdp -