یاساناسێن پارێزگەها دهۆکێ راگەهاند، هەر پێنگاڤەکا سیاستمەدارێن عیراقێ بهاڤێژن، گرنگە مللەتێ کورد سەنگا خۆ تێدا هەبیت و دڤێت بەغدا سەنگەرێ بەرەڤانیکرنێ بیت بۆ کوردستانیان و پارتى دیموکراتى کوردستان دێ بەرەڤانێ سەرەکى بیت بۆ بدەستەڤەئینانا مافێن کوردستانیان دچارچوڤەیێ عیراقێدا، ژبەر هندێ دەنگدان ب پارتى دەنگدانە بهێزبوونا سەنگا کوردان ل بەغدا.

کاوار باڤى، ماڤپەروەر و پارێزەر بۆ مالپەرێ فەرمیێ پارتى دیموکراتى کوردستان گۆت:" کوردستان پشکەکەکا هەرە گرنگە ژ عیراقا فیدرال، ژبەر هندێ هەر پێنگاڤەکا سیاستمەدارێن عیراقێ بهاڤێژن، گرنگە مللەتێ کورد سەنگا خۆ تێدا هەبیت، هەلبژارتنێن جڤاتا نوونەرێن عیراقێ ژى مافەکێ یاسایییە کۆ هەمى لایەنێن سیاسى تێدا پشکدار ببن ژبۆ بدەستڤەئینانا مافێن مللەتێ کورد و رێکێ ب بوان لایەنان نەدەن یێ ئاخا کوردستانێ دڤرۆشن و داگیردکەن و پتر پیشلکاریا لسەر هەمى پێکهاتەیێن کوردستانى نەئێنەکرن، ژبەر هندێ دبێژم هندى سەربەخۆیا کوردستانێ ب فەرمى نەئێتە راگەهاندن دڤێت بەغدا سەنگەرێ بەرەڤانیکرنێ بۆ کوردا ب گشتى بیت، باوەرم دڤێ قۆناغێدا پارتى دیموکراتى کوردستان دێ ل ئاستێ پێدڤى بیت بۆ بەرەڤانیکرن و دەستڤەئینانا هەمى مافێن کوردستانیان".

رەمەزان کێڤلى، یاساناس بۆ مالپەرێ فەرمیێ پارتى دیموکراتى کوردستان خویاکر": پشکداریا خەلکێ کوردستانێ دهەلبژارتناندا گرنگیەکا یاساسى دستورى یە، جونکى هەلبژارتن ئەرکە و مافە کۆ ئێکەم هەلبژارتنێن ل عیراقێ دئێنە ئەنجامدان پشتى شەرێ دژە تیرۆرێ و داگیرکرنا حەشدا شەعبى یە ل دەڤەرێن دەرڤەیى هەرێمێ یێن دکەفنە دبەندێ 140ێ دستوریدا، یێن هەتا نوکە حکومەتا عیراقێ نەهێلایى ریفراندۆم لوان دەڤەرا ئێکلا ببیت، کو لسەر هەرێما کوردستانێ یان عیراقێ ڤە بن، دیسان بەندێ 143 بەحسى قەوارێ هەرێما کوردستانێ کریە، کۆ هەرێمەکا فیدرالیە و مافێن خۆیێن یاسایى هەنە بەلێ نوکە دژیواریدا نینە، ژبەر هندێ پشکداریکرن دهەلبژارتنێن جڤاتا نوورانێن عیراقێ دێ پێگەهێ لەشکەرى و یاسایى و ئابۆرى بهێزکەتەڤە".

رەمەزان کێڤلى بەحسکر، گرنگە هندەک کەسایەتیێن پسپۆر بهێنە هەلبژارتن بۆ پەرلەمانێ عیراقێ ژبۆ هندێ شرۆڤەکرنەکا دروست بدەنە دستورى ب تایبەت یێن گرێدایى دەستهەلاتێن هەرێمێ، جونکى تا نوکە عیراقێ پێشلکاریا 55 بەندێن دستورى کریە، ژبەر ڤێ ئێکى پارتى دێ بەرەڤانێ سەرەکى بیت بۆ بدەستەڤەئینانا مافێن کوردستانیان دچارچوڤەیێ عیراقێدا، ب مخابنى ڤە هندەک لایەنێن سیاسیێن کوردى تێکدانا نافخۆیا هەرێمێ دکەن داکۆ پێگەهێ پارتى لاواز بکەن، ژبەر هندێ دەنگدان ب پارتى دەنگدانە بهێزبوونا سەنگا کوردان ل بەغدا.

سەعید خورشید مزیرى، پارێزەر بۆ مالپەرێ فەرمیێ پارتى دیموکراتى کوردستان ئاماژەدا:" ب سەدان سالا مە قوربانیدایە پێخەمەت ڤێ ئازادى و ئارامیا تێدا دژى، داکۆ بەرهەمێ خوینا شەهیدان و زەحمەتا پێشمەرگەی و هەمى خەلکێ کوردستانێ ب هەرەوە نەچیت ب باشتر دزانم پشکدارى هەلبژارتنان بم ژبۆ پاراستنا دەستکەفتێن ماین و ب تایبەت سنۆرێ هەرێما کوردستانێ، جونکى دووماهیک دەلیڤەیە بۆ کوردستانیان بهێز سەنگا خۆ ل عیراقێ دیار بکەن و ب وێرەکانە بریارێ لسەر مافێن مللەتێ کورد بدەن، ژبەر هندێ تاکە لیستا من باوەرى پێ هەیى خودان هەلویست بیت ل بەغدا لیستا 184ە، کۆ دەنگدان ب پارتى دەنگدانە ب پاراستن و زامنکرنا مافێن مللەتێ کورد".
kdp-