پێشووتر كۆمسیۆنی هەڵبژاردنەكان ئەمرۆ دووشەمەی وەكو دوا وادەی دابەشكردنی كارتی بایۆمەتری دەنگدان دیاری كردبوو بەڵام وادەكەی درێژكرایەوە.



ئه‌مڕۆ دووشه‌ممه‌ كۆمسیۆنی باڵای سەربەخۆیی هەڵبژاردنەكانی عێراق ڕاگه‌یه‌نراوێكی بڵاوكرده‌وه‌ كه‌ وێنه‌یه‌كی نێردراوه‌ و له‌ به‌شێكیدا هاتووه‌"ئەنجومەنی كۆمسیاران ئەمرۆ بڕیاریداوە ماوەی وەرگرتنەوەی كارتی ئەلیكترۆنی دەنگدان بۆ رۆژی پێنج شەممە(10-5-2018) درێژ بكرێتەوە".



ئاماژه‌ به‌ ئه‌وه‌ش دراوه‌ كه‌ ئەو بڕیارە بۆ ئەوەیە ئه‌و دەنگدەرانه‌ی كە كارتەكانیان وەرنەگرتووه‌تەوە وەریبگرنەوە و بەشداری هەڵبژاردن بكەن.



ڕۆژی(12-5-2018) هەڵبژاردنی پەرلەمانی عێراق بەرێوەدەچێت كە زیاتر لە 200 قەوارە و لیست كێبڕكێی بردنەوەی 328 كورسی دەكەن.

bas news-