کورتە بالا و پێکەفتیان راگەهاند، تاکە هێز شیایى شەرێ سێ وەلاتان بکەت و سەرکەفتن و داستانان تومار بکەت پێشمەرگەیى پارتى بوویە و دەنگدان ب لیستا 184 دەنگدان ب کوردایەتیێ یە، جونکى پارتى شەهید و بریندار بۆ پاراستن و رزگارکرنا کوردستانێ داینە.



وەحید جیجو، سەرۆکێ کومەلا کورتەبالا ل دهۆکێ بۆ مالپەرێ فەرمیێ پارتى دیموکراتى کوردستان گۆت:" هەبوونا کوردان دڤێ قوناغێدا ل بەغدا کاتێکرنەکا ئەرینى هەیە، ژبەر هندێ بهێزکرنا پێگەهێ کوردان ل بەغدا گرنگ ژبۆ بەرەڤانیکرنێ ژ مافێن رەوایێن هەمى پێکهاتەیێن هەرێما کوردستانێ، پارتى دیموکراتى کوردستان وەک هێزا ئێکێ ل هەرێما كوردستانێ بەردەوام داکوکى لسەر مافێن هەمى کوردستانیان کریە و هەمى هەولدان کرینە ماف و دەستکەفتێن مللەتێ کورد و کوردستانێ پارێزیت، ژبەر هندێ دەنگێ من بۆ لیستا 184ە".



وەحید جیجو بەحسکر،تاکە هێز شیایى شەرێ سێ وەلاتان بکەت و سەرکەفتن و داستانان تومار بکەت پێشمەرگەیى پارتى بوویە، دیسان هەردەم پارتى پێشخەر بوویە بۆ پالپشتیکرنێ ل مافێن هەمى پێکەفتنى و نابینان و کورتەبالان.



نسرەت بوتى، سەرۆکێ کومەلا ژین یا پێکەفتیان ل دهۆکێ بۆ مالپەرێ فەرمیێ پارتى دیموکراتى کوردستان خۆیاکر:" دەنگدان ب لیستا 184، دەنگدان ب کوردایەتیێ یە، جونکى پارتى شەهید و بریندار بۆ پاراستن و رزگارکرنا کوردستانێ داینە و دکاودانێن بەرتەنگدا خەلکێ سەر ب پارتیڤە بەرخودانى کریە، کۆ ئەڤ ئارامى و ئێمناهیا ئەم تێدا دژین ڤەدگەریت بۆ وێ قوربانیا پارتى پێخەمەت مللەتێ کوردستانێ دایى، ژبەر هندێ دەنگێ من بۆ لیستا سەر ب سەرۆک مەسعود بارزانى ڤەیە".



سەرۆکێ کومەلا ژین ئاخفت:" کەس تا نوکە نەشیایە رکابەریا پارتى بكەت بۆ پاراستنا ئاخا کوردستانێ، ژبەر هندێ ئەرکێ مەیە دەنگێ خۆ بدەینە لیستا 184 و مافێ مە ئەو دێ خەلكێ مة ژ هەر مەترسییەکێ ژ دۆژمنێنن مللەتێ کورد پارێزیت"

kdp -