نزیكه‌ى سێ مانگ پێش ئێستە به‌بڕیارێكى وه‌زاره‌تى كشتوكاڵ و سه‌رچاوه‌كانى حكوومه‌تى هه‌رێمى كوردستان، هاورده‌كردنى سێوى ئێرانى بۆ هه‌رێمى كوردستان قه‌ده‌خه‌ كرا، له‌ ئه‌مڕۆوه‌ بڕیاره‌كه‌ هه‌ڵوه‌شایه‌وه‌ و بازرگانان ده‌توانن به‌پێى ڕێنماییه‌كان دەست بە هاوردنی بكەنەوە.


ڕاگه‌یه‌ندراوێكى وه‌زاره‌تى كشتوكاڵ و سه‌رچاوه‌كانى ئاوى حكوومه‌تى هه‌رێمى كوردستان كە ئاراسته‌ى به‌ڕێوه‌به‌رایەتى گشتیى گومرگه‌كان كراوه‌، هاتووه‌ كە دواى ئه‌وه‌ى له‌ ناوه‌ڕاستى مانگى شوبات، هاورده‌كردنى سێوى ئێرانى بۆ هه‌رێمى كوردستان قه‌دەخە كرا، دواى ڕاوێژ و په‌یوه‌ندیكردن له‌گه‌ڵ پارێزگاكانى هه‌رێمى كوردستان، بڕیاره‌كه‌ هه‌ڵوه‌شایه‌وه‌.


لە به‌شێكى دیكه‌ى ڕاگه‌یه‌ندراوه‌كه‌ ئاماژه‌ى بۆ ئه‌وه‌ كردووه‌ كه‌ بڕیار دراوه‌ له‌مڕۆ سێشەممەوە، دواى دڵنیابوون له‌ ئه‌نجامى تاقیگه‌یى و ده‌رچوون له‌ كوالێتى كۆنترۆڵ و به‌پێى سیستەمى باجى گومرگى، ڕێگه‌ به‌ هاورده‌كردنى سێوى ئه‌و وڵاته‌ بدرێت.
bas news-