بەدرخان زاویتەیى: پشکداریا پارتى دهەلبژارتنێن عیراقێدا زامنێ ئەنجامێن ریفراندۆمێ یە
ئەندامێ سەرکردایەتیا پارتى دیموکراتى کوردستانێ (مەسرور بارزانى) دئاهەنگا پالپشتیا قۆتابى و لاوان بۆ لیستا 184 ل هەولێر بەحسکر، دەنگدەرێ هێژا دێ چەوا ئەو لایەنێن ب ئاشکەرایى دژى ریفراندومێ و هەرێما کوردستانێ راوستیاین دێ شێن ل بەغدا کارکەن بو خزمەتکرنا کوردستانێ.
بەدرخان زاویتەیى، چاڤدێرێ سیاسى و یاساناس بۆ مالپەرێ فەرمیێ پارتى دیموکراتى کوردستان گۆت:" پشتى ژناڤبرنا رژێما بەعس لسالا 2003ێ و دامەزراندنا ئەنجوومەنێ حوکمرانیێ و نڤسینا دەستورێ هەمیشەیى عیراقێ و پەسەندکرنا وى لسالا 2005ێ، ددەسپێكا دستورى (دیباجة) و بەندێن (1و3) بەحس ل عیراقا نوو کەت کۆ عیراقەکا کومارى فیدرالى دیموکراتى و فرەنەتەوەییە و پێگێریکرن بڤى دەستورى زامنێ پاراستنا عیراقێ ب ئیکگرتیە، ژبەر هندێ پارتى دیموکراتى کوردستان ب هەمى رەنگا بەرەڤانى ژعیراقێ کریە داکو عیراقا نوو لسەر ڤان بنەمایا بەردەوام بیت، بەلێ هەر ژسالا 2008ێ عیراق بەرەڤ دکتاتوریەتا زورینەیا شیعەگەراتیێ چوو".
بەدرخان زاویتەیى بەحسکر، حکومەتا عیراقێ هەولدانکرن لەشکەرى بکێشیتە سەر سنورێن هەرێمێ و ژوى دەمى تا ئەنجامدانا ریفراندوما سەربەخۆیا کوردستانێ، پارتى چەندین رێکەفتن ئیمزاکرن بو پێگیرکرن ب دەستورى و چارەکرنا کێشان تایبەت جێبەجێکرنا بەندێ 140، بەلێ حکومەتا عیراقێ بجهنەئینا و لسالا 2014ێ بودجە و مووچە ب بریارەکا سیاسى ژ هەرێمێ برین و ئەڤە دژى بەندێ 106ێ دستورێ بوویە.
چاڤدێرێ سیاسى زەلالکر:" دشەرێ تیرۆرێ ژیدا حکومەتا بەغدا هیچ هاریکاریەک پێشکێشى پێشمەرگەى نەکریە، سەرارایى رێژا زورا ئاوارا کو ژ دەڤەرێن دیترێن عیراقێ ئاوارایى کوردستانێ ببوون و هیچ هاریکارى نەهاتەکرن ژلایێ عیراقێ ڤە، بەلکو هەولدا ئاوارا وەک کارتەکا فشارێ بو لاوازکرنا هەرێمێ بکار بینیت، دیسان لدەمێ دروستبوونا کابینا عەبادى کورد ب مەرج پشکدار ببوون و لژێر چاڤدێریا نەتەوێن ئێکگرتى و ئەمریکا و بریتانیا و رێککەفتن هاتنەکرن کو عیراق پێگێریێ ب دستورى بکەت و بودجە و مووچەیێن هەریمێ رەوانە بکەت، بەلێ ئەڤە نەهاتەکرن تا گەهشتیە وێ رادەیێ سەرکردایەتیا کوردستانێ بریارا ئەنجامدانا ریفراندومێ دایى، سەرەرایى دژایەتیکرنا هندەک لایەنێن سیاسیێن كوردستانى، خەلکێ کوردستانێ برێژەیا 93% دەنگ بو سەربەخویا کوردستانێ دا".
زاویتەیى ئاماژەدا:" دروشمێن هندەک لایەنن سیاسى بکار دئینن دبانگەشا هەلبژارتنادا هەمان دروشمێن یێن لدەمێ دژایەتیکرنا وان بو ریفراندومێ و خیانەتا وان ل خەلکێ کوردستانێ نە، پشکداریا پارتى دڤان هەلبژارتناندا بو پاراستنا قەوارێ هەرێما کوردستانێ یە و ئەنجامێن ریفراندومێ و ئەگەر پارتى پشکدارى نەکربایە ئەڤ لایەنە دا هەولا گهورینا دەستورى دژى هەرێما کوردستانێ کەن و قەوارە و دەستکەفتن هەرێمێ ژناڤبەن، ژبەر هندێ پشکدارى و پشتگەرمیا پارتى یاهشیارى و کوردبوونا دەنگدەران، کو دەنگدانا وان ب لیستا 184 دەنگدانە ب پاراستنا هەرێمێ و ئەنجامێن ریفراندومێ ئەگەر هاتو پشتى هەلبژارتنا بەغدا پێگێرى ب دەستورى و بنەمایێن فیدرالیەتێ و شەراکەت نەکرن".
kdp-
