ئاژانسێکی تورکی هەواڵی گەیشتنی هێزێکی سوپای فەرەنسا بۆ رۆژئاوای کوردستان بڵاو کردووەتەوە.

رۆژی شەممە 28/4/2018، ئاژانسی (ئەنادۆڵ)ی فەرمیی تورکیا بڵاوی کردووەتەوە، کە هێزەکەی فەرەنسا رۆژی پێنجشەممە 26/4/2018 گەیشتووەتە شاری حەسەکە لە رۆژئاوای کوردستان.

ئەو هێزە فەرەنسییە لە بنکەیەکی سەربازیی ئەمریکی لە شارۆچکەی رمێلان جێگیر بووە و ئۆپەراسیۆنێکی هاوبەشیشی لە منبج، رەققە و چەند ناوچەیەکی دێرەزوور لەگەڵ هێزە ئەمریکییەکان ئەنجام داوە.

هەروەک ئەو ئاژانسە بڵاوی کردووەتەوە، ئێستا زیاتر لە 70 سەرباز و راوێژکاری فەرەنسی لە چوارچێوەی هاوپەیمانیی نێودەوڵەتی دژی رێکخراوی تیرۆریستی داعش لە رۆژئاوای کوردستانن.












باسنيوز