شارەزایەکێ دستورى: پارتى تاکە هێزە لبەر هەمى مەترسیێن دستورى راوستایى
ئایا بجهئینانا دستورى دێ هەرێما کوردستانێ کیانەکێ بهێز هەبیت؟
رێنجبەر بامەرنى، مامۆستایێ زانینگەهێ و شارەزایێ دستورى بۆ مالپەرێ فەرمیێ پارتى دیموکراتى کوردستان گۆت:"پشتى ژناڤبرنا حکومەتا بەعسا دکتاتور ل عیراقێ و پەسەندکرنا دستورێ نوویێ سالا 2005ێ، کۆ بەحس ل مافێن هەمى پێکهاتەیێن عیراقێ کرى و تێدا پاراستین، کۆ بەندێ 117ێ ژ دستورێ عیراقا فیدرال بریار ب هەبوونا هەرێما کوردستانێ و دەستهەلاتێن وێ کریە وەک هەرێمەکا ئیتحادى ل عیراقەکا نوویا فیدرالى، دیسان بەندێ 121ێ ماف دایە هەرێما کوردستانێ دستورەکێ سەربەخۆ هەبیت و هەیکەلێ دەستهەلاتێن خۆ (یاسادانان و بجهئینان و دادوەرى) و دەستهەلاتکرن و ئالیەتا ب کارکرنا وان دیار بکەت، کۆ دهەمان بەندا ل خالا ئێکى بەحس ل کارێ هەر سێ دەستهەلاتێن هەرێمێ دکەت ب مەرجەکى نە دهەڤدژ بن دگەل کارێن دەستهەلاتێن حکومەتا ئیتحادى ل عیراقێ".
رێنجبەر بامەرنى، بەردەوامیدایە ئاخفتنا خۆ و زەلالکر:" دبەندێ 46ێدا دەستهەلاتا یاسادانانێ ل عیراقێ ب دوو جڤاتان پێکدئێت (جڤاتا نوونەران و جڤاتا ئێکگرتى) ئەو جڤاتە یا نوونەراتیا هەرێما و هەمى باژێرێن سەر ب هەرێمان ڤە دکەت، بەلێ حکومەتا عیراقێ پێشلکاریا ڤى بەندێ دستورى کریە و بجهنەئینایە، دیسان دستورێ عیراقێ دانپێدان ب هەمى بریارێن حکومەت و پەرلەمانێ هەرێما کوردستانێ ژ سالا 1992ێ تا 2005ێ دکەت ب مەرجەکى هەڤدژ نەبن دگەل بەندێن دستورى، کۆ شەرعیەتا یاسایى دایە هەمى بریارێن ژ دەستهەلاتێن هەرێما کوردستانێ دەرکەتین و بجهئینانا دستورى دێ هەرێما کوردستانێ کیانەکێ بهێز هەبیت".
شارازایێ دستورى ئاماژەدا:" پەرلەمانێ کوردستانێ دشێت دستورەکێ پەسەند بکەت، هەر چەندە پرۆژە یاسایەک بۆ دستورى هەبوو، بەلێ ژبەر ناکوکیێن ناڤخویى ئەڤ پرۆژە پەسەند نەبوو ل پەرلەمانێ کورستانێ، کۆ پارتى دیموکراتى کوردستان هەمى هەولدان کرن ئەڤ پرۆژە یاسایە پەسەند بیت، بەلێ هەمى لایەن دئێکگرتى نەبوو ڤى پرۆژەیى سەرنەگرت، سەرارایى هندێ هەرێما کوردستانێ دەستهەلاتێن خۆیێن شەرعى هەنە بیێ دستور هەبیت، کۆ پەرلەمانى شەرعیەتەکا یاسایى پێدایە".
بامەرنى بەحسکر، پارتى دیموکراتى کوردستان لگۆر دستورێ عیراقێ گەلەک هەولادان کرینە کیانێ هەرێمێ ژ هەر مەترسیەکێ پارێزیت ب تایبەتى سەرۆکێ هەرێما کوردستانێ لسەر وى دەمى (مەسعود بارزانى) دپالپێشتى کرنا قەواریا یاسایى ل هەرێما کوردستانێ رۆلەکێ کاریکەر هەبوو، نموونە ژى بۆ هندێ ل سالا 2012ێ دەمێ حکومەتا عیراقێ لسەر دەمێ كابینا (نورى ئەلمالکى) هێزا دیجلە دروستکرى و گەفێن هێرشکرنێ لسەر هەرێما کوردستانێ کرین، هێزێن سەر ب پارتى دیموکراتى کوردستان ڤە لبەر سینگێ وان گەفا راوستیان، دیسان پشتى روودانێن 16ى ئێکتوبەرا 2017ێ کۆ هەمى لایەنێن سیاسى خۆ لبەر کاودانن لادا و پارتى تاکە هێز بوو خۆ لبەر سینگێ حەشدا شەعبى گرتى و پێشمەرگەیى پارتى داستان ل سحێلا و پردێ و تلسقوف و عوین عویز تومارکرین و نەهێلایى هەرێما کوردستانێ داگیر بکەن".
kdp-
