ئەو هۆڵەی شاری هەولێر کە حەیدەر عەبادی، سەرۆکی لیستی (هاوپەیمانیی ئەلنەسڕ)، تێیدا هەڵمەتی بانگەشەی هەڵبژاردنی لیستەکەی ئەنجام دەدا، بە ڕادەیەک چۆڵ بوو کە ڕێکخەرانی سەر بە لیستەکەی هەوڵی شاردنەوەیان دا.

ڕۆژنامەنووس ئەحمەد زاوێتەیی، لە پێگەی تایبەتیی خۆی لە تۆڕی کۆمەڵایەتیی (فەیسبووک)، وێنەیەکی تەواوەتیی ناو ئەو هۆڵەی بڵاو کردەوە کە تێیدا حەیدەر عەبادی، سەرۆک وەزیرانی عێراق، وتەکەی لە شاری هەولێر پێشکەش کرد و هەڵمەتی بانگەشەی هەڵبژاردنی بۆ لیستەکەی دەست پێ دەکرد.

زاوێتەیی ئاشکرای کردووە کە سێ لەسەر چواری هۆڵەکە چۆڵ بووە و ڕێکخەرانی مەراسیمەکە کە کەسانی سەر بە لیستەکەی عەبادی بوون، هەوڵیان داوە، چۆڵیی هۆڵەکە لەبەر چاوی کامێراکان بشارنەوە و بە ناچاری، چەند پۆستەرێکی بانگەشەی هەڵبژاردن و وێنەی عەبادییان داناوە.









باسنيوز