ئەندامێكی پەرلەمانی كوردستان ئاشكرای دەكات بەشێك لە فراكسیۆنەكانی ناو پەرلەمان بە كردەوە لەبەردەم ئەنجامدانی چاكسازی و چارەسەركردنی كێشە دارایی و ئابوورییەكانی هەرێمی كوردستاندا ڕێگرن.

نازم هەركی، لە فراكسیۆنی پارتی دیموكراتی كوردستان لە لێدوانێدا جەختی لەسەر هەوڵەكانی فراكسیۆنەكەیان بۆ تێپەڕاندنی پڕۆژە یاسای چاكسازیی لە پەرلەمان کردەوە و گوتی: "پڕۆژە یاساكە لە بەرژەوەندیی هاووڵاتیانە و بە جێبەجێكردنی زۆرێك لە قەیرانەكانی هەرێمی كوردستان وەك نەهێشتنی سیستەمی پاشەكەت، وەرگرتنەوەی پاشەكەوتی مووچە، نەهێشتنی دوو مووچەیی و بندیوار، چاكسازی لە خانەنشینانی پلە تایبەتەكان، هەڵوەشاندنەوەی خانەنشینی نایاسایی، پاككردنەوەی لیستی شەهیدان و چەندین چاكسازیی دیكە چارەسەر دەکرێن".

نازم هەركی، رەخنە لە لایەنە سیاسییەكانی هەرێمی كوردستان دەگرێت و رای دەگەێنێت لایەنە سیاسییەكان و پەرلەمانتارانی لایەنەكانی دیكە تەنیا لەڕێگەی راگەیاندنەكانەوە باس لە گەندەڵی دەكەن و ئەوان راستگۆ نین و نایانەوێت گەندەڵی چارەسەر بكرێت، بە پێچەوانەوە دەیانەوێت چاكسای نەكرێت".

ئەو پەرلەمانتارە گوتیشی: "فراكسیۆنی پارتی سوورە لەسەر تێپەڕاندنی پڕۆژە یاساكە و بە كرداریش هەنگاوی جیدی بۆ چارەسەركردنی كێشەی هاووڵاتیان دەنێت، هەرچەند پەرلەمان لە پشوو دایە، بەڵام داوای كۆبوونەوەیەكی نائاساییمان كردووە و فراكسیۆنەكانی دیكەش لەبەردەم ئەركێكی مێژوویی و ئەخلاقیدان".









باسنيوز