ددیرۆکا مللەتێ کوردا هیچ جارەکێ پارتى دیموکراتى کوردستان خیانەت ل مللەتێ کوردستانێ نەکریە، تا نوکە حکومەتا مەرکەزى ل عیراقێ پێدڤیێن پێشمەرگەیى وەک هێزەکا لەشکەرى دابین نەکرینە و تاکە حزبا کوردستانى خەبات و ماندیبوونا پێشمەرگەی بەرچاڤ وەرگرتى پارتى دیموکراتى کوردستان بوو.



پشتى پێشمەرگەیێ کوردستانێ ب ئازایەتى و ب خوراگرى و ب خوینا سەدەهان شەهید و برینداران شیایى سەرکەفتنێن مەزن لسەر تیرۆرستێن داعشێ ل عیراق و کوردستانێ تومار بکەت، پێخەمەت پاراستنا کوردستان و عیراق و هەمى جیهانێ، ئایا مافێن وان ب دادپەروەرانە هاتینە پێشکێشکرن و دابینکرن ژ هەمى روویەکى؟



مقدم ئیبراهیم مائى، مقدمەکێ لەشکەرى دناڤ هێزێن پێشمەرگەیدا بۆ مالپەرێ فەرمیێ پارتى دیموکراتى کوردستان گۆت:" پێشمەرگە هەر دەم زامنێ پاراستنا ئاخا کوردستانێ بوویە هەر لسەر دەمێ شۆرەشا ئەیلول و تا شەرێ دژە تیرۆرێ و شەرێ حەشدا شەعبى ژى، کۆ دشەرێ تیرۆرێدا پێشمەرگە هێزا ئێکێ بوو لسەر روویێ ئەردى شیایى بەرسینگێ تیرۆرستان بگریت ژبەر هندێ لسەرانسەرى جیهانێ ب قەهرەمان و خوراگریا خۆ هاتە نیاسین و تاکە هێز بوو ناڤێ کوردستانێ ل جیهانێ بلندکرى، دهەمان دەمدا دبلوماسیەتا کوردان پێشکەفت و ب تایبەت پشتى سەرکەفتن لشەرێ دژى حەشدا شەعبى ل پردێ و مەخموور و عوین عویز و مەحموودیە و تلسقوف و سحێلا تومارکرین".

مقدم ئیبراهیم ئاماژەدا:" تا نوکە حکومەتا مەرکەزى ل عیراقێ پێدڤیێن پێشمەرگەیى وەک هێزەکا لەشکەرى دابین نەکرینە، بەلێ حکومەتا هەرێما کوردستانێ ب هەمى شیانڤە نەهێلایى پێشمەرگە پاش بکەڤیت، دیسان تاکە حزبا کوردستانى خەبات و ماندیبوونا پێشمەرگەی بەرچاڤ وەرگرتى پارتى دیموکراتى کوردستان بوو".

مقدمێ لەشکەرى دناڤ هێزێن پێشمەرگەیدا زەلالکر:"ددیرۆکا مللەتێ کوردا هیچ جارەکێ پارتى دیموکراتى کوردستان خیانەت ل مللەتێ کوردستانێ نەکریە و هەردەم بەرەڤانى ژ مللەتێ کورد کریە و شەر بۆ ئازادى و سەربەخۆییا کوردستانێ کریە و باشترین حزبە ل کوردستانێ بشێت ناڤ و کەرامەتا پێشمەرگەیى ب پارێزیت، جونکى تاکە حزبە خۆ ل مالباتێن شەهیدان کریە خودان و چاڤدایە پێشمەرگەیێ بریندار، ژبەر هندێ هەردەمێ دبێژین پارتى واتە پێشمەرگە و دەولەتا کوردستانێ".

هلبین ئەحمەد مزیرى بۆ مالپەرێ فەرمیێ پارتى دیموکراتى کوردستان بەحسکر، پێشمەرگى تاکە هێز بوو سنورێن هەرێما کوردستانێ ژ تیرۆرستێن داعشێ پاراستین، پشتى تیرۆرستان سنۆرێ وەلاتێ سوریا و عیراقێ دەربازکرن و مەزنە باژێرێن عیراقێ (مووسل و تکریت و ... هتد) داگیرکرین، کۆ لەشکەرێ عیراقێ ب ساناهى ئەو دەڤەرە ل عیراقێ رادەستى داعشێ کرین، بەلێ پێشمەرگەیێ کوردستانێ خۆ ل بەرامبەر هەموو نەخۆشیان گرت و نەهێلا هەرێما کوردستانێ بهێتە داگیرکرن، تا مرنێ ئەم قەردارێن پێشمەرگەینە.



جیهاد موسا، پێشمەرگەکێ خوبەخش بۆ مالپەرێ پارتى دیموکراتى کوردستان دیارکر:" سیستەمێ شوفینیەتێ ل عیراقێ ناهێلیت هەرێما کوردستانێ یا بێ شەر بیت و گەلەک دلنەخۆشە بوو ب وێ ئارامیا هەرێم و خەلکێ وێ تێدا، ژبەر هندێ د شەرێ تیرۆرێ هیچ هاریکاریەک پێشکیشى پێشمەرگەیى نەکر، بەلێ سەرکردایەتیا لەشکەرى ل هەرێما کوردستانێ جیهان هەمى ئینا سەرخەت و پێشمەرگە ب خوراگرى بەرسینگێ تیرورستان راوستیا و مللەتێ کوردستانێ پاراست، ئەم سۆپاسدارێن وانین کۆ بووینە تاکە زامن بۆ پاراستنا ئاخا کوردستانێ".
kdp-