بەرپرسێ لقێ ١٤ یێ پارتی دیموکراتی کوردستان ل مووسل دبێژیت، سەرەرای کو حەشدا شەعبی گفاشتنان ل خەلکێ دکەت، بەلێ پارتی هەموو ئامادەکاریێن خۆ ل مووسل کرینە، و دێ پارتی دەنگێن خۆ زێدەکەت.

عیسمەت رەجەب، بۆ ماڵپەرێ فەرمیی یێ پارتی دیموکراتی کوردستان گۆت:'' بە گوێرەی کار و خەباتا مە هەرە چەندە دزانین ژی کو حەشدا شەعبی ژی گڤاشتنان لە سەر خەلکێ دکەت، بەلێ دەنگێن پارتی دێ ل مووسل زێدەکەن، و کارتێکرنێ ل دەنگێن پارتی ناکەن، چونکی خەلک هیڤی خوازە جارەکا دی رەوشا وان ڤەگەڕیتە دبن هەمبێزا پێشمەرگەی دا.

دیار ژی کر، پارتی چاڤ ل زێدەکرنا کورسیێن جڤاتا نوێنەرێن ئیراقێ یە ل مووسلێ ژبۆ وێ یەکێ ژی ئامادەکاریێن باش هاتینە کرن.

بەرپرسێ لقێ ١٤ ل مووسل دیار ژی کر، عەرەبێن مووسل ژی دێ دەنگ ب پارتی دەن چونکی ئەو گەلەک بێزاربووینە ژ دەستهەڵاتا نها ل وان دهێتە کرن.

هەیا نها نەهاتیە زانینە کو ژمارا دەنگدەرێن پارێزگەها مووسلێ چەندە چونکە ژمارەیەکا زۆر ئاوارەبووینە .

٤٤ لیست و هەڤپەیمانێن سیاسی ل مووسلێ هەڤڕکیێ ل سەر ٣١ کوڕسیێن وێ پارێزگەهێ دکەن بۆ جڤاتا نوێنەرێن ئیراقێ ژدکەن ژبۆ وێ یەکێ ژی ٩٣٠ کەسان خۆ بەربژێر کریە.
kdp-