به‌رپرسێ راگه‌هاندنا بنگه‌هێ به‌ره‌ڤانیا باژێرى ل دهوكێ، دیاركرن، کو شڤێدى ل ده‌مژمێر(10:45) خوله‌ك، په‌یوه‌ندى ب بنگه‌هێ مه‌ یێ به‌رۆشكێ هاته‌ كرن كو رویدانه‌كا ئاگرى په‌یدا بویه‌ و ئاگر به‌ربویه‌ ماله‌كێ.



رائیدێ مافپه‌روه‌ر بێوار عه‌بدولعه‌زیز به‌رپرسێ راگه‌هاندنا بنگه‌هێ به‌ره‌ڤانیا باژێرى ل دهوكێ بو ئه‌و چه‌نده‌ ژى گوت: ئه‌و رویدانه‌ ل تاخێ گژه‌به‌ران ل به‌رۆشكێ په‌یدا بویه‌ و رویدان ژ ئه‌گه‌رێ شورته‌كێ كاره‌بێ به‌ربویه‌ خانیێ هاولاتیه‌كێ ب ناڤێ (جه‌عفه‌ر محه‌مه‌د گه‌لناسكى) و زیانه‌كا مه‌زن دروست بویه.



هه‌مان به‌رپرسى ئه‌و چه‌نده‌ ژى نه‌ڤه‌شارت: ”ئه‌و خێزانه‌ ژ هەشت كه‌سان پێك دهێت و هه‌ر چه‌نده‌ زیانێن گیانى نه‌بونه‌ لێ زیانه‌كا مه‌زن یا مادى په‌یدا بویه‌ و ژ وان ژى 11 ره‌گه‌زنامێن بارێ شارستانى هاتینه‌ سوتن و 11 ره‌گه‌زنامێن (عێراقى) هاتینه‌ سوتن و دوو كارتێن ئاهێن خوارنێ و دوو كارتێن زانیارى هاتینه‌ سوتن و سێ كارتێن ده‌نگدانێ ژى هاتینه‌ سوتن و زێده‌بارى وێ چه‌ندێ كو كوژمه‌كێ پاره‌ى ب كوژمێ 10 هزار دولارێن ئه‌مریكى یێن وێ خێزانێ هاتینه‌ سوتن و ئه‌ڤ رویدانه‌ ژى ب رویدانه‌كا نه‌خوش هاته‌ توماركرن چونكه‌ ئه‌و كه‌سێ خودانێ وى خانى كاسبكاره‌ و رویدانێ زیانه‌كام مه‌زن گه‌هانده‌ خێزانا وى .
bas news-