پشتى هەشت رۆژان تهرمێ سێ شههیدێن فروكێن توركیا هاتنه ڤهشارتن
پشتى كو ل رێكهفتى 7/4/2018 سێ كهس خهلكێ ناحیا شێلادزێ و برایێن ئێك ژ ئێك خێزان ب ناڤێ (تاهیر محەمەد، مەجید محەمەد و رهمهزان) محەمەد ژ لایێ فروكێن توركیا د ناڤ گوندێ (نێروه سیتو) هاتینه شههید كرن، ئهڤرۆ تهرمێ وان بو ناحیا شێلادزێ هاتنه رهوانهكرن و ل گورستانهكا شێلادزێ هاتنه ڤهشارتن.
وارشین سهلمان، رێڤهبهرێ ناحیا شێلادزێ، بۆ دیاركرن: ”ههرسێ كهسێن هاتینه شههید كرن برایێن ئێكن و خێزاندارن و خودان زاروك و ههڤژینن ب نهخوشبهختانهیه ژ لایێ فروكێن توركیا ڤه هاتنه شههید كرن“.
ههمان رێڤهبهرێ ئهو چهنده ژى دوپاتكر: ”جهێ ههرسێ برا هاتینه شههید كرن جههكێ مهترسیدار بو لهورا بو دهمێ چهندین رۆژانه تهرمێ وان ل جهێ رویدانێ ماى و پشتى چهندین ههول ژ لایێ كهس و كارێن وان ڤه هاتینه ئهنجام دان ئهڤرۆ شیان تهرمێ ههرسێ برایان بو سهنتهرێ ناحیا شێلادزێ رهوانهبكهن بو ئاخێ بهێته رهوانهكرن“.
ههژى دیاركرنێ یه د ماوێ سالا بورى دا پتر ژ (20) كهسێن خهلكى ناحیا شێلادزێ بونه قوربانیێن فروكێن توركیا ل سنورێ ناحیا شێلادزێ.
bas news-
