دوهى لسنورێ ناحیا شێلادزێ 3 كه‌س كو برایێن ئێكن و ئاكنجیێن ناحیا شێلادزێنه‌، بمه‌ره‌ما بده‌ستڤه‌هاتنا به‌رهه‌مێن بوهارێ قه‌ستا گوندێ نێروه‌ سیتو كریه‌ لسنورێ ناحیا شێلادزێ، لێ فروكێن توركیا بوردومانا وان كه‌سان كریه‌.


ئیقبال عومه‌ر پسمامێ وان هه‌ر سێ كه‌سانه‌ ا دیاركرن هه‌رسێ پسمامێن من ب ناڤێ ره‌مه‌زان محەمەد و ناجى محەمەد و تاهر محەمەد، كو هه‌ر سێ برایێن ئێكن و ل ئێك خێزان د دژین، سه‌ره‌دانا گوندێ خو كو گوندێ (نێروه‌ سیتو) كریه‌، ئێكه‌ ژ گوندێن دوسكیا لسنورێ ناحیا شێلادزێ، لێ د ده‌مه‌كێدا فروكێن توركیا بوردومانا گوندێ مه‌ كریه‌ و هه‌تا نوكه‌ ئه‌م چاره‌نڤیسێ وان نزانین.


ناڤبرى ئه‌و چه‌نده‌ ژى دووپاتكر هنده‌ك كه‌س دبێژن هه‌رسێ كه‌سان گیانێ خو ژ ده‌ست دایه‌ و شه‌هید بونه‌ لێ ژ به‌ر كو بوردومانا فروكێن توركیا ل شێلادزێ یا به‌رده‌وامه‌ له‌ورا ئه‌م نه‌چارین بوین شڤێدى خو بگرین و سپێده‌هیا ئه‌ڤرۆ كه‌س و كارێن وان ل دویڤدا لێ هه‌تا ئه‌ڤێ خوله‌كێ چاره‌نڤیسێ وان هه‌ر سێ كه‌سێن ل ئێك خێزان دیار نینه‌ .
bas news-