پسپۆرەکێ غاز و پترۆلێ راگەهاند، پرۆژەیێ کومپانیا دانە غاز و هەرێما کوردستانێ دقازانجا هەردوو لایان دایە، ئەگەر عیراق نەشیا گازا سرۆشتى بگەهینتە ویستگەهان دێ ناڤەراستا عیراقێ بیتە دەرگەهەکێ داهاتی بۆ هەرێما کوردستانێ، دیسان دەرئێخستنا گازا سرۆشتى ل هەرێمێ دێ بیتە جەکەکێ سیاسەتا ئابۆرى دگەل تورکیا بکار بینیت.



ددووماهیک بەیاننامەیا کومپانیا (دانە غاز) دا هاتیە، وەبەرهێنانا غاز و پترۆلێ ل هەرێما کوردستانێ ژ 20% تا 25% زێدە بکەت و 14.4 ملیون دینار ژ کومپانیا بیرل بیترولیوم وەرگرتینە و زێدەبوونا وەبەرهێنانێ ل هەرێمێ دێ ل دووماهیا سالا 2018ێ و دەسپێکا سالا 2019ێ بیت.



کاوە عەبدولعەزیز، مامۆستایێ زانینگەهێ و پسپۆر دبوارێ غاز و پترۆلێدا بۆ مالپەرێ فەرمیێ پارتى دیموکراتى کوردستان گۆت:" ئەردێ هەرێما کوردستانێ بەرهەمەکێ مەزنێ یێ گازا سرۆشتى و پترۆلێ بخۆڤە دگریت، ل هەرێمێ پتر ژ 45 بیرێن پترۆلێ هەنە و بەرامبەرى هندێ 5،6 ترلیونێن ژ سێجایا غازا سرۆشتى هەنە، ئەڤە پێگەهێ ئابۆرى و سیاسیێ هەرێما کوردستانێ دئێخیتە لسەر ئاستێ جڤاتا نیڤدەولەتى، جونکى شەرێ نیڤدەولەتى لسەر گاز و پترۆلێ یە و بۆ پیشەسازییا نوکە پروکیمیاوى و گازا سرۆشتى گەلەک باشترە ژ پترۆلا رەش و هەرێمێ پێنگاڤەکا گەلەک ئەرینى دگەل کۆمپانیا دانە غاز هاڤێژیتە بۆ وەربەهێنانێ دڤى بیاڤیدا بکەن و حکومەتا هەرێمێ و دانە غاز رێکەفتییە بەرهەمى زێدە بکەن، کۆ تێرا هەمى ویستگەهێن بەرهەمئینانا کارەبێ بکەت، داکو کارەب ببیتە 24 دەمیژمیرى".



پسپۆرى دبوارێ نەفت و پترۆلێدا زەلالکر:" سەرکەفتنا پرۆژەیى دێ بیتە جەکەکێ سیاسەتا ئابۆرى هەرێما کوردستانێ دگەل تورکیا بکار بینیت، جونکى تورکیا داخوازا گازا هەرێمێ کریە و یەدەکێ وێ غازا قەتەرە و روسیا دوستەکا باوەرپێکرى نینن بۆ تورکیا، دەربارەیى هەرێما کوردستانێ دشێت بیتە بێگهور بۆ روسیا دگەل تورکیا، کۆ هەرێم بشێت 40% ژ گازا سرۆستى پەیدا بکەت داکۆ هەمى ویستگەهێن تورکى مفایێ ژ گازا هەریمێ ببینن، کۆ ئەڤە پرۆژەیێ ئیستراتیژیێ دومدرێژێ هەرێما کوردستانێ یە، بوریا گازا کوردستانێ ب هێلا ناکوک ئەڤا دناڤبەرا ئازربیجانێ و برێکا تورکیا دگەهیتە ئورۆپا بهێتە گرێدان، دیسان پیشەسازى پترۆلێ ل هەرێمێ زێدە ببیت و تێرا ویستگەهان بکەت دێ دەرگەهێن وەبەرهێنانا پیسەشازى بەرفرەه و باشتر بیت ژوونا گەل و پەلا هەناردە بکەن دێ مفایى ژ پیسەشازیێ بینن".



کاوە عەبدولعەزیز بەحسکر، دقۆناغا چوویدا هندەک ناکوکى کەفتنە دناڤبەرا وەزارەتا سامان و سرۆشتى و کومپانیا دانە غازدا، ئەو ژى ڤەدگەریا بۆ نەئارامیا رەوشا سیاسى و ئەمنى و قەیرانا دارایى و هەبوونا شەرێ دژە تیرۆرێ ل هەرێمێ، بەلى گرێبەستا نوکە پێنگاڤەکا ئەرینى یە داکو قەرەبوویا شاشیا گرێبەستا دیتر بکەن، هەر دەمێ ئەڤ وەربەرهێنانە پێشکەفت دێ هەر دوولا دمفادار بن، بدەرئێخستنا ڤێ غازێ بشێوەکێ دروست دێ هەرێما کوردستانێ بیتە ناڤەندەکا ئابۆرى و پێگەهەکێ بهێز لدەڤەرێ، کۆ دێ شێن دکەرتێ وزێدا کارەبا هەرێمێ دابین بکەین".



عیراق سالانە پێدڤى ب 17 ملیار متر سێجا ژ گازا سرۆشتى هەیە، بۆ کارەبێ بتنێ نیزیکى 3 ملیار متر سێجا، ئەگەر حکومەتا بەغدا دگەل حکومەتا هەولێر رێکنەفیت و گازا سرۆشتى بۆ نەئێتە دابینکرن، عیراقێ چ مفایى ژ ڤرۆتنا گازێ ناوەرگریت.



مامۆستایێ زانینگەهێ دیارکر:" ئەگەر عیراق نەشیا کارەبا دەڤەرێن دەرڤەیى هەرێمێ دابین بکەت و گازا سرۆشتى یا هەرێما کوردستانێ گەهشتە هەمى ویستگەهان دێ ناڤەراستا عیراقێ بیتە دەرگەهەکێ داهاتیێ بۆ هەرێما کوردستانێ".
kdp-