پێدڤیه د دوو مههاندا ههموو مالێن دهۆكێ پیڤهرێن ئاڤێ گرێدهت
ئهندازیار جهلال جهمیل، رێڤهبهرێ ئاڤا دهۆكێ، ئاشكرا كر، ماوهیهكێ درێژ بوو تیمێن مه دهست ب دانانا پیڤهرێن ئاڤێ ل سهنتهرێ پارێزگههێ دكر، رێژهیا دانانا پیڤهرێن ئاڤێ ل سهنتهرێ دهۆكێ گههشت بوو 51%، بهلێ پشتى تێكچوونا رهوشا ئابوورى و پهیدابوونا قهیرانا دارایى، بۆ دهمهكى دانانا وان پیڤهران هاتبوو راگرتن و ڤێ مههێ جارهكا دى دهست ب دانانا وان هاته كرن.
ئهندازیار موسا عومهر، سهرپهرشتێ لیژنا دانانا پیڤهرێن ئاڤێ ل رێڤهبهریا ئاڤا دهوروبهرێن دهۆكێ، دیار كر، ل ههر شهش قهزایێن دهۆكێ و گۆند و ناحیه و كۆمهلگههان دهست ب دانانا پیڤهرێن ئاڤێ هاتبوو كرن و ب رێژهیا 25% هاتبوونه دانان، بهلێ ژ بهر قهیرانا دارای ئهڤه ماوهیهكێ درێژ بوو دانانا پیڤهرێن ئاڤێ هاتبوو راگرتن و ل ڤێ مههێ دیسا دهستپێكرهڤه.
سهرپهرشتێ لیژنا دانانا پیڤهرێن ئاڤێ ل رێڤهبهریا ئاڤا دهوروبهرێن دهۆكێ، ئاشكرا ژى كر، كو كۆمپانیا خهتیب و عهلهمى یا لۆبنانى ل پارێزگهها دهۆكێ دهست ب كاربوو و دێ چاڤدێریا پیڤهرێن ئاڤێ ل دهۆكێ كهت و داهاتێ ئاڤێ ژى ههموو دێ ژ لایێ ڤێ كۆمپانیێ ڤه هێته وهرگرتن، ئهو خێزانێن ههتا نها پیڤهرێن ئاڤێ نه داناین، رهنگه ل بازارى بكرن و ئهو ب خوه بۆ خۆ بدانن و ئهوێن پیڤهرێن ئاڤێ داناین، كۆمپانى دى قهستا مالێن وان كهت و میلێ پیڤهرى ئینیته د سفرێ دا و ل مهها بهێت دێ ل گۆرهى هژمارا خواندنا پیڤهرى پارێ ئاڤێ وهرگریت.
ناڤبرى زێدهتر دبێژیت: ”ل قهزا سێمێلێ ب رێژا 75% پیڤهر هاتینه دانان، بهلێ ل هندهك قهزایان هێشتا نههاتینه دانان و ژ بهر هندێ رێژا گشتى یا دانانا پیڤهرێن ئاڤێ ل سنوورێ رێڤهبهریا مه دگههیته 25%“.
باسنیوز
