مامێ وێ كچا ته‌رمێ وێ ل خانكێ هاتیه‌ دیتن دیاركركو ئه‌ڤرۆ 9/4/2018 ته‌رمێ كچه‌كێ ل ناڤێ ( نه‌جات برجس زیبان) دژیێ 26 سالیێ دا ل كۆمه‌لگه‌ها خانكێ قه‌زا سیمێلى هاتیه‌ دیتن.



خه‌یرى زیبان، مامێ وێ كچێ ب خه‌ندقى هاتیه‌ دیتن، دیاركر: "نه‌جات ژ مال ده‌ركه‌ڤت وبه‌ره‌ڤ كه‌مپا خانكێ چوویه‌ سه‌ر قه‌زا سێمیلى ڤه‌ ل پارێزگه‌ها دهۆكێ به‌رزه‌ بوویه.‌ هه‌موو ده‌زگه‌هێن ئه‌منى هاتنه‌ ئاگه‌هداركرن. ب مخابنى ڤه‌ ئه‌ڤرۆ ته‌رمێ كچێ هاته‌ دیتن دناڤ به‌نداڤا مام شڤان دا ل كۆمه‌لگه‌ها خانكێ وته‌رمێ كچى بۆ نوشداریا داد ل دهۆكێ هاته‌ ره‌وانه‌كرن بۆ زانینا ئه‌گه‌رێن روودانێ. دووڤ پێزانینێن ده‌ستپێكێ ژى چوو شوونوارێن گوله‌ لاشێ كچێ نینن".



خویا ژى كر: "ئه‌م ئاگه‌هدار نه‌بووینه‌ كچێ كێشه‌ك هه‌بیت ئه‌و بخو ژمال ده‌ركه‌ڤتیه‌ وبه‌ره‌ڤ كه‌مپا خانكێ چوویه‌. نۆكه‌ ل بنگه‌هێ پۆلیسێن كۆمه‌لگه‌ها خانكێ دۆسیه‌یا ڤه‌كۆلینێ هاتیه‌ ڤه‌كرن ل سه‌ر بوویه‌رێ".
bas news-