ل ئاكرێ پەرستگەهەكا جۆهیا وەك خۆ مایە
نادر زاهێر ، موختارێ گوندێ شوش ل دەڤەرا ئاكرێ، راگەهاند: "مە گلە و گازندە هەنە كو وەك پێدڤی گرنگی ب جهێن شونەواری نەدایە ل دەڤەرێ بۆنمونە هێشتا پەرستگەها جوهیا ل گوندی مایەو چۆ ڤەكولین و پاراستن نەبۆینە ب خوە مایەو خەلكی پاراستیە ، ئەگەر گرنگیی ب ڤان شونەوارا بهێت دان دێ ژلایێ گەشت و گوزاری ڤە گرنكیەكا مەزنا ئابۆری هەبیت بۆ خەلكێ دەڤەرێ".
هیوا شەمال، رێڤەبەرێ شونەوارێن ئاكرێ، بۆ راگەهاند: "هژمارەكا جهێن شۆنەواری ل دەڤەرێ وەك خۆە ماینەو نەهاتینە تێكدان ئێك ژوان پەرستگەها جوهیانە ل گوندێ شۆش ل روژ ئاڤا ئاكرێ كو هەتا نوكە نەهاتیە خراب كرن و ژناڤ برن بەلكو خەلكێ گوندی ب خوە پاراستیە، ژلایێ زانستی و شونەواری وەك پێدڤی چۆ ڤەكولین لسەر شونەوارێن دەڤەرێ نەهاتینە كرن ئەگەر نەهێنە پاراستن و نوژەنكرن ئەگەرێ خراب بۆن و ژناڤ چۆنێ هەیە و بڤی رەنگی كەس مفای ژێ نابینیت".
باسنيوز
