له‌ كۆتایی مانگی رابردوودا چه‌ند شارێكی كورستان خۆپیشاندانی مامۆستایانی به‌خۆیه‌وه‌ بینی بۆ داواكردنی مافه‌كانیان و نه‌مانی سیسته‌می پاشه‌كه‌وتی مووچه‌.


سه‌باره‌ت به‌ رۆڵی ده‌زگاكانی راگه‌یاندن له‌ رووماڵ كردنی خۆپیشاندانه‌كان و كاردانه‌وه‌ی ده‌زگا ئه‌منییه‌كان به‌رامبه‌ریان د. دیندار زێباری رێكخه‌ری راسپارده‌ نێوده‌وڵه‌تییه‌كان له‌ حكومه‌تی هه‌رێمی كوردستان گوتی: "پێویسته‌ ده‌زگا میدیاییەكانیش به‌ پێچه‌وانه‌ی یاسا كارپێكراوه‌كانی هه‌رێمی كوردستان ره‌فتار نه‌كه‌ن و رووماڵ كردنه‌كه‌یان بۆ رووداوه‌كان بۆ گه‌یاندنی راستییه‌كان بێت و داواكاری ره‌وای هاووڵاتیان بێت به‌ حكوومه‌تی هه‌رێمی كوردستان نه‌ك كاریگه‌ریی نه‌رێنیی هه‌بێت و ببێته‌ هۆی نانه‌وه‌ی ئاژاوه‌".


سه‌باره‌ت به‌و ده‌نگۆیانه‌ی‌ ره‌فتاری ده‌زگا ئه‌منییه‌كان له‌گه‌ڵ میدیاكان زێباری گوتی: "تا ئێستا هیچ ده‌زگایه‌كی راگه‌یاندن سكاڵای دژی لایه‌نه‌ ئه‌منییه‌كان به‌رز نه‌كردووەته‌وه‌ كه‌ تێیدا به‌ ئه‌نجامدانی توندوتیژی تۆمه‌تباریان بكات و هه‌ر كاتێك ده‌زگایه‌كی راگه‌یاندن سكاڵایه‌كی هه‌بێت دژی لایه‌نه‌ ئه‌منییه‌كان ئه‌وا ده‌زگا په‌یوه‌ندیداره‌كان رێوشوێنی یاسایی پێویست ده‌گرنه‌ به‌ر دژی ئه‌و كه‌سانه‌ كه‌ پێشێلكاریان ئه‌نجامداوه‌".













باسنيوز