بە گوتەی ڕزگار محەمەد قایمقامی مەخموور، ئەمڕۆ یەکشەممە دامودەزگا فەرمییەکانی حکوومەتی هەرێمی کوردستان لە مەخموور دەگەڕێنەوە ئەو قەزایە و بە فەرمی دەست بە دەوام دەکەنەوە.



بەپێی زانیارییەکان ئەمڕۆ یەکشەممە 2018/4/8 دامودەزگا فەرمییەکانی حکوومەتی هەرێمی کوردستان، بێجگەلە دەزگا ئەمنییەکان، بە فەرمی لە قەزای مەخموور دەست بەدەوام دەکەن و هاووڵاتیان دەتوانن کاروبارەکانیان ڕایی بکەن.



لەبارەی کردنەوەی بنکە و بارەگای حزبەکان، لایەنەکان سەرپشک کراون، هاوکات لەمبارەوە عەلی ڕەشید، سەرۆکی ئەنجومەنی پارێزگای هەولێر لەبارەی دۆخی قەزای مەخموورەوە ڕای گەیاندووە: "هەتا کاتێک حوکمی سەربازیی حەشدی شەعبی لەو قەزایە بەردەوام بێت، هەر بە داگیرکراو ناوی دێنن و داوای لە حکوومەتی عیراق کردووە حەشدی شەعبی لە مەخموور بکشێتەوە.



دوای کرانەوەی ڕێگای نێوان هەولێر و مەخموور، چەکدارانی حەشدی شەعبی چەند بازگەی جیاوازیان داناوە و بە پشکنین و ڕاگرتن، هاووڵاتیانی کوردیان هەراسان کردووە.



له‌ 16ی ئۆكتۆبه‌ری 2017ه‌وه‌، میلیشیاكانی حه‌شد و هێزه‌ عێراقییه‌كان، به‌ هاوكاری چه‌ند به‌رپرسێكی دیار، ناوچه‌ كوردستانییه‌كانی ده‌ره‌وه‌ی ئیداره‌ی هه‌رێمی كوردستانییان داگیركرد و ئێستاش به‌ شێوه‌یه‌كی تاكلایه‌نانه‌ ئه‌و ناوچانه‌ به‌ڕێوه‌ده‌به‌ن.






باسنیوز