رووناک ئاقایی چالاکی مەدەنیی کورد و یەکێک لە دەستبەسەرکراوانی پاش ریفراندۆمی سەربەخۆیی هەرێمی کوردستان، پاش خۆناساندن به بەشی جێبەجێکردنی حوکمەکانی دادگای مەهاباد، ڕەوانەی بەندیخانەی ئەو شارە کرا.

بەپێی ڕاپۆرتی رێکخراوی مافی مرۆڤیی (هەنگاو) ڕۆژی چوارشەممە 2018/4/4 رووناک ئاقایی کە حوکمەکەی پشتڕاست کرابوویەوە، لەلایەن دادگای مەهابادەوە بانگهێشت و رەوانەی گرتووخانە کرا.

ئەو ژنە چالاکە کە تەمەنی 54 ساڵە، پاش دەربڕینی خۆشی و هەڵپەڕکێی خەڵکی کوردستان بەهۆی بەرێوەچوونی ریفراندۆمی سەربەخۆیی باشووری کوردستان، دەستبەسەر کرابوو.

رووناک ئاقایی دواتر بە دانانی 200 ملیۆن تمەن بارمتە بە شێوەی کاتی لە زیندان ئازاد کرا و پاشان لەلایەن دادگای مەهابادەوە حوکمی ٦ مانگ دەستبەسەرکرانی بەسەردا سەپێندرا.

ئەو چالاکوانە کوردە پێشریش لە دەیەی ٦٠ی هەتاویدا بۆ ماوەی ٥ ساڵ بە تۆمەتی هاوکاری لەگەڵ حزبە کوردییەکان بۆ ماوەی ٥ لە زیندانەکانی ئێراندا بووە.

رووناک ئاقایی سەرەڕای تووشبوونی بە نەخۆشیی تۆمۆری مێشکی، لەلایەن هێزە ئیتلاعاتییەکانەوە بە توندی ئەشکەنجە و بریندار کرابوو.











باسنيوز