سەرۆک بارزانی پرسەنامەیەک ئاراستەی کەسوکاری کارگێڕێکی لقی 21ـی پارتی دیموکراتی کوردستان دەکات.



لە پرسەنامەکەدا، کە لەماڵپەڕی تایبەتیی سەرۆک مەسعود بارزانی بڵاو کراوەتەوە، سەرۆک بارزانی رایگەیاندووە، کاوە کەریم ”كادیرێكی نیشتیمانپەروەر و جەماوەری و خۆشەویستی خەڵك بوو“.



سەرۆک بارزانی وێڕای سەرەخۆشیکردن ”بەم بۆنە خەمناکەوە“، هیوای خواستووە ”خودای مەزن“ ئارامیی بە کەسوکارەکەی ببەخشێت و کاوە کەریمیش بە بەشتی بەرین شاد بێت.



رۆژی سێشەممە 3/4/2018، کاوە کەریم، کارگێڕی لقی 21ـی پارتی، لە کاتی بەشداریکردنی لە پرسەی دلۆڤان ئیدریس بارزانی، برای نێچیرڤان بارزانیی سەرۆکی حکوومەتی هەرێمی کوردستان، بە جەڵتەی دڵ گیانی لەدەست دا.



رۆژی دووشەممە 2/4/2018، دلۆڤان ئیدریس بارزانی، برای نێچیرڤان بارزانی لە شاری هەولێر، بە جەڵتەی دڵ کۆچی دوایی کرد و رۆژی سێشەممەش یەکەم رۆژی پرسەکەی لە شارۆچکەی پیرمام بەڕێوە چوو.




باسنیوز