ئه‌ڤرۆ ل سنورێ قه‌زا ئامێدیێ مینا هه‌مو ده‌ڤه‌رێن دیتر رێوره‌سمێن جه‌ژنا قیامه‌ یا خیشك و برایێن ئاشورى هاتنه‌ ئه‌نجام دان و د ئه‌ڤان رێوره‌سمان دا برایێن موسلمان ژى هه‌مان شێوه‌ جه‌ژنا ئاشوریان پیرۆز كر.

سه‌ربه‌ست ئاكره‌یی، رێڤه‌به‌رێ ناحیا كانى ماسێ، دیار كرن: ”ل سنورێ ناحیا كانى ماسێ 20 گوندێن كریستیانان هه‌نه‌ و هەشت گوندێن وان دگه‌ل موسلمانان هه‌ڤپشكن و پێكڤه‌ جه‌ژنێن خو دگێرن و پیرۆز دكه‌ن.

ناڤبرى گوت ژى: ”هه‌مى ده‌مان ئه‌م د به‌رهه‌ڤین بو هه‌ر كێشه‌یه‌ك و نه‌خوشیه‌كێ دگه‌ل برایێن خو یێن ئاشورى پشكدار بین و دلخوشین چه‌ندین ساله‌ ئه‌م موسلمان و كریستیان پێكڤه‌ جه‌ژنێن خو دگێرین“.

دیاركر ژى: ”ئه‌ڤرۆ ب ره‌نگه‌كێ گشتى ل ده‌ڤه‌را ئامێدیێ مینا هه‌مو ده‌ڤه‌رێن دیتر مه‌ وه‌ك موسلمانان پشكدارى كر د پیرۆزكرنا جه‌ژنا برایێن مه‌ یێن ئاشورى ل سنورێ ده‌ڤه‌را ئامێدیێ“.








باسنيوز