سه‌رۆكێ لقێ دهۆك یێ ئێكه‌تیا مامۆستایێن كوردستانێ دیاركركو هنده‌ك یێن تبلێن خوه‌ بۆ مه‌ره‌مێن سیاسى وهه‌لبژارتنان دكه‌نه‌ ناڤ خوه‌پێشاندانێن مامۆستایێن مه‌دا وداخازێ دكه‌ن ئه‌ڤ چه‌نده‌ نه‌هێته‌ كرن.

وه‌هبى یونس سه‌رۆكێ لقێ دهۆك یێ ئێكه‌تیا مامۆستایێن كوردستان دیاركر: "داخوازێ دكه‌ین ب بەهانه‌یا خوه‌پێشاندانان لایه‌نێن سیاسى نه‌هێنه‌ دناڤ خوه‌پێشاندانێن مامۆستایێن مه‌دا چونكو تبل هه‌نه‌ بۆ به‌رژوه‌ندیێن خوه‌ خوه‌پێشاندانان بكاربینن بتایبه‌تى ژى ئه‌م یێ به‌ره‌ڤ هه‌لبژارتنان دچن. دێ گه‌له‌ك هه‌ولێن نه‌باش هێنه‌ كرن داخازێ دكه‌ین مامۆستایێن مه‌ رێ نه‌ده‌ن هنده‌ك بۆ مه‌ره‌مێن خوه‌ خوه‌پێشاندانان بكاربینن".

خویا ژى كر: "ل پارێزگه‌ها دهۆكێ ده‌رگه‌هێ قوتابخانه‌یان دهێته‌ ڤه‌كرن وبه‌رده‌وامى ب پرۆسیه‌یا خاندنێ دهێته‌ دان، ئه‌ڤه‌ رۆژا سیێ یه‌ مامۆستایان خوه‌پێشاندانان دكه‌ن دخوازن سیسته‌مێ پاشكه‌ڤتا مۆچى بهێته‌ لادان ئه‌م دگه‌ل مافێن مامۆستایێن خوه‌ نه‌ ب ریێن دیموكراسیى".










باسنيوز