رێڤەبەریا ھاتن و چوونا دھۆکێ ئامارێن ھەرسێ رۆژێن نەورۆزێ راگەھاندن و ئاشکرا کریە کو ب تنێ کەسەکی گیانێ خوە ژ دەست دایە.

موقەدم ئازاد تاھا، پەیڤدارێ رێڤەبەریا ھاتن و چوونا پارێزگەھا دھۆکێ دیارکر، د ھەرسێ رۆژێن جەژنا نەورۆزێ دا 13 روودانێن ھاتن و چوونێ ل سەرانسەری پارێزگەھا دھۆکێ پەیدابووینە و د ڤان روودانان دا 40 ھاوولاتی برینداربووینە و سێ ژ وان برینا وان یا سەختە و کەسەکی گیانێ خوە ژ دەستدایە.

ئاشکرا ژی کر کو رێڤەبەریا ھاتن و چوونا دھۆکێ پلانەکا تۆکمە بۆ رۆژانێن نەورۆزێ دانابوو و کۆنترۆلەکا باش ل سەر رەوشا ھاتن و چوونێ ھەبوو و د ماوێ رۆژانێن سەیرانان دا 24 دەمژمێران رێڤەبەرێ ھاتن و چوونا دھۆکێ و ئەفسەران ب رێکا فرۆکێ ژ ئاسمانی چاڤدێریا شۆفێران دکر.










باسنيوز