رێڤەبەریا هاتن و چوونا پارێزگەها دهۆكێ‌ د ماوێ‌ ڤان سێ‌ رۆژێن نەورۆزێ‌ دا ب هزاران پۆستەرێن هشیاریێ‌ و چاڤدێریا ژینگەهێ‌ و رێنمایێن هاتن و چوونێ‌ ل سەر شۆفێرێن سەیرانی بەلاڤ دكەت.

موقەدم ئازاد تاها، پەیڤدارێ رێڤەبەریا هاتن و چوونا پارێزگەها دهۆكێ‌ دیار كر، مە وەكوو رێڤەبەری د ماوێ‌ ڤان سێ‌ رۆژان دا ب هزارەكا پۆستەرێن هشیاریێ‌ و چاڤدێریا ژینگەهێ‌ و رێنمایێن هاتن و چوونێ‌ ل سەر شۆفێرێن سەیرانی بەلاڤ كرن و ئەنجامێن زۆر باش ژی هەبووینە و مفایەكێ‌ زۆر گەهاندیە وەلاتیان و چاڤدێریا مە ل سەر رەوشا هاتن و چوونێ‌ بوویە ئەگەركو هەتا نها د رۆژا سیێ‌ یا نەورۆزێ‌ دا چو روودانێن هاتن و چوونێ‌ پەیدانەبووینە كو زیانێن ژ دەستدانا گیانی ل دووڤ خوە هێلابن.

ئازاد تاها ئاشكرا ژی كر، رێڤەبەرێ‌ هاتن و چوونا دهۆكێ‌ ب خوە د ماوێ‌ ڤان سێ‌ رۆژان دا ب رێیا فرۆكێ‌ چاڤدێریا هەموو جادێن سەیرانیان دكر و بەردەوام رێنما ددانە پۆلیس و ئەفسەرێن هاتن و چوونێ‌، بۆ هندێ‌ رەوشا هاتن و چوونێ‌ یا ئارام بیت و چو روودانێن دلتەزین پەیدا نەبن.









باسنيوز