گوتەبێژی فەرمیی حکوومەتی ھەرێمی کوردستان، ئاشکرای کرد کە بە بۆنەی جەژنی نەتەوەیی نەورۆزەوە، چەند ڕۆژێک کراوەتە پشووی فەرمی.

ئەمڕۆ یەکشەممە 18/3/2018، لە ڕاگەیاندراوێکی فەرمیدا، سەفین دزەیی، گوتەبێژی فەرمیی حکوومەتی ھەرێمی کوردستان ڕای گەیاندووە: "بەبۆنەی جەژنی نەتەوەیی و نیشتیمانیی نەورۆز، پیرۆزباییەکی گەرم ئاراستەی خانەوادەی شەھیدان و پێشمەرگە قارەمانەکان و تێکڕای ھاووڵاتییانی کوردستانی خۆشەویست دەکەین، ھیوادارین ئەم جەژنە ببێتە مایەی شادی و ئارامی و دەرچوون لە گرفت و قەیرانەکان".

گوتیشی: "بەم بۆنەیەشەوە بە ھاووڵاتییانی بەڕێزی ھەرێمی کوردستان ڕادەگەیەنین، کە پشووی جەژنی نەورۆز لە ڕۆژی سێشەمە 20/3/2018 دەست پێ دەکات و رۆژانی 21 و 22 و 23ی مانگیش دەبنە پشووی فەرمی، رۆژی 25ی 3 دەوامی ئاسایی دەست پێ دەکاتەوە".








باسنيوز