سوپای تورکیا بۆردومانکردنی نەخۆشخانەی شاری عەفرین لە رۆژئاوای کوردستان، رەت دەکاتەوە.



سەرلەبەیانیی رۆژی شەممە 17/3/2018، سەرۆکایەتیی کۆماری تورکیا لە هەژماری تایبەتیی خۆی لە تۆڕی کۆمەڵایەتیی (تویتەر)، رایگەیاندووە، ئەو هەواڵانەی باس لە بۆردومانکردنی نەخۆشخانەی عەفرین لەلایەن سوپای تورکیاوە دەکەن، ”دوورن لە راستییەوە“.



شەوی هەینی 16/3/2018، یەکینەکانی پاراستنی گەل (یەپەگە) رایگەیاند، فڕۆکە جەنگییەکانی سوپای تورکیا بە سێ مووشەک، نەخۆشخانەی عەفرینیان بۆردومان کردووە و سەرچاوە لۆکاڵییەکانیش باس لەوە دەکەن، کە بەهۆی ئەو بۆردومانەوە 15 هاووڵاتی، گیانیان لەدەست دا.



لە رۆژی 20/1/2018ـەوە، سوپای ئازادی ئۆپۆزیسیۆنی سووریا و سوپای تورکیا بە بەکارھێنانی ھێزی ئاسمانی، زەمینی و تۆپخانە، لەژێر ناوی ئۆپەراسیۆنی (چلە زەیتوون)، ھێرشیان کردووەتە سەر شاری عەفرین لە رۆژئاوای کوردستان.




باسنيوز