ئیبراهیم كاڵن گوتەبێژی سەرۆكایەتیی كۆماری توركیا، دەڵێت یەپەگە ویستی عەفرین بكاتە قەندیلی دووەم، بەڵام توركیا ئەو یارییەی لێ تێكدا و نەیهێشت قەندیلی دووەم دروست ببێت.

ئەمڕۆ پێنجشەممە، ئیبراهیم كاڵن گوتەبێژی سەرۆكایەتیی كۆماری توركیا، لە كۆنگرەیەكی رۆژنامەوانیدا ئاشكرای كرد: "70%ی عەفرین لەلایەن سوپای توركیاوە داگیر كراوە، لە داهاتووشدا دەچنە ناو سەنتەری عەفرین".

باسی لەوەش كرد: "یەپەگە ویستوویەتی عەفرین بكاتە قەندیلی دووەم، بەڵام توركیا یارییەكەی لێ تێكدا و نەیهێشتووە ئەو ئامانجەیان بێتەدی".

سوپای توركیا تاكوو ئێستا نەیتوانیوە بچێنە ناو عەفرین و هێزەكانی لە دەوروبەری عەفرین جێگر كردوە، بەڵام وەكوو ئەوەی كاڵن باسی لێوە كرد، لە ماوەیەكی نزیكدا سوپای توركیا و میلیشاکانی سوپای ئازادی سووریا، هێرش بۆ سەنتەری عەفرین دەست پێ دەكەن.










باسنيوز