ئەمڕۆ یەكشەممە سوپای توركیا هێرشێكی فرەوانی تۆپبارانی بۆ سەر چەند ناوچەیەكی شەمزینان سەر بە پارێزگای جۆلەمێرگی باكووری كوردستان دەستپێكرد.


دەزگا میدیاییەكانی باكووری كوردستان بڵاویان كردەوە دوای نیوەڕۆی ئەمڕۆ یەكشەممە سوپای توركیا هێزەكانی خۆی بە كۆپتەر لە ناوچەكە دابەزاندووە و هێرشێكی سەربازی بۆ سەر چەند ناوچەیەكی شەمزینان دەستپێكردووە.


هێرش و تۆپبارانەكانی توركیا هەریەك لە ناوچەكانی تیپێ جۆمپت و تیپێ سێرۆ و گلیاڕەشی سەر بە ناحیەی شەمزینانی گرتووەتەوە.


ئەمەش لە كاتێكدایە كە دوێنێ شەممە سوپای توركیا هەمان ئەم ناوچانەی لە ڕێگەی فڕۆكەی جەنگیەوە بۆردوومان كردبوو.
bas news-