به‌رپرسێ راگه‌هاندنا رێڤه‌به‌ریا به‌ره‌ڤانیا باژێرى ل پارێزگه‌ها دهۆكێ راگه‌هاند كو ل زاخۆ ئاگربه‌ربوو گۆمركێن فێقى و زه‌رزه‌واتى و د ئه‌نجام دا نێزیكى سێ كابینه‌یێن فێقى و زه‌رزه‌واتى هاتینه‌ سۆتن.



رائیدێ مافپه‌روه‌ر بێوار عه‌بدولعه‌زیز دیاركر كو ئه‌ڤرۆ ئێڤارى ل گۆمركێن فێقى ل قه‌زا زاخۆ، ژ نشكه‌كێ ڤه‌ ژ ئه‌گه‌رێ په‌یدابوونا شۆرته‌كێ كاره‌بێ پشتى هاتن و چوونا كاره‌با گشتى، ئاگر به‌ربوویه‌ گۆمركه‌كا فێقى ل زاخۆ ل سه‌ر جادا گشتیا كۆمه‌لگه‌ها ئیبراهیم خه‌لیل و ئاگر ژ ئالیێ تیمێن به‌ره‌ڤانیا باژێرى یا قه‌زا زاخۆ ڤه‌ هاتیه‌ كۆنترۆلكرن به‌رى كو مه‌زنتر لێ بهێت.



ئاشكرا ژى كر كو د ڤێ روودانێ دا زیانێن گیانى نه‌بووینه‌، به‌لێ زیانێن مادى ب خودانێ گۆمركێ كه‌فتینه‌ و گه‌له‌ك فێقى و زه‌رزه‌وات و تۆمارێن گۆمركێ و كۆژمه‌كێ پاره‌ى د ناڤ قاسا گۆمركێ دا هاتیه‌ سۆتن.
bas news-