هێزه‌كانى یەکینەکانی پاراستنی گەل (یەپەگە)، ده‌ستگیركردنى 16 سه‌ربازی توركی له‌ شه‌ڕه‌كانى عه‌فرین له‌ ڕۆژئاواى كوردستان، ڕاده‌گه‌یه‌نن.


ئه‌حمه‌د شه‌وقى، سه‌ركرده‌ له‌ یەکینەکانی پاراستنی گەل (یەپەگە) به‌ ئاژانسى (سه‌پۆتنیك)ى ڕووسی ڕاگه‌یاند: "له‌شه‌ڕه‌كانى ده‌وروبه‌رى جندرێس ، هێزه‌كانمان توانییان 16 سه‌ربازی توركى به‌دیل بگرن".


ئاماژه‌ى به‌وه‌شدا، كه‌ هه‌رچه‌نده‌ هێرشه‌ ئاسمانییه‌كانى توركیا بۆ سه‌ر عه‌فرین و دوروبه‌رى كه‌م بوونه‌ته‌وه‌، به‌ڵام له‌شه‌ڕه‌كانى ئه‌مڕۆدا چوار شه‌ڕه‌ڤان، شه‌هید بوون.


لە رۆژی شەممە 20/ 1/ 2018ەوە، سوپای ئازادی ئۆپۆزیسیۆنی سووریا و سوپای تورکیا بە بەکارھێنانی ھێزی ئاسمانی، زەمینی و تۆپخانە، لەژێر ناوی ئۆپەراسیۆنی (چلە زەیتوون)، ھێرش دەکەنە سەر شاری عەفرین لە رۆژئاوای کوردستان.
bas news-