بەرپرسێ راگەھاندنا رێڤەبەریا پۆلیسێن پارێزگەھا دھۆکێ دیارکر، دوو تاوانبارێن پەنابەر ب گونەھا سەختەکرنا مۆلەتێن ھاتن و چوونێ ژئالیێ پۆلیسێن پارێزگەھا دھۆکێ ڤە ھاتن دەستەسەرکرن.



ئەڤرۆ رۆژا ئێکشەمبی 21/1/2018، رائیدێ مافپەروەر ھێمن سلێمان راگەھاند، نڤیسینگەھا پۆلیسێن برایەتی ل کۆمەلگەھا دۆمیز، دو تاوانبار ب گونەھا سەختەکرنا مۆلەتێن ھاتن و چوونێ دەستەسەرکرن و بۆ دادگەھێ ھاتن رەوانەکرن بۆ ھندێ دووڤچوون ل سەر دوسەیێن وان بھێنە کرن.



تاوانبار د گۆتنێن خۆدا دانپێدانێ ب ڤێ تاوانێ دکەت و دبێژیت: (من و کەسەکی دی یێ پەنابەر کو ئەم خەلکێ رۆژئاڤاینە، دەست ب چێکرنا مۆلەتێن ھاتن و چوونێ یێن سەختە کر بۆ ھژمارەکا مەزن یا ھاوولاتیان ب رێکا کۆپیکرن و ئامێرێن چێکرنێ، ھەرچەندە ئەم د ترسیاین ژی بھێنە دەستەسەرکرن، بەلێ مە دەست ب کارێ خۆ کر و ھەر مۆلەتەکا ھاتن و چوونێ ب 100 دۆلاران درۆست دکرن.)









باسنیوز