قایمقامێ قەزا شنگال، دیارکرکو حکومەتا عێراقی سوز دان رێ نەھێتە دان سەرپیچێن دەستۆری و قانوونی ل شنگال بھێنە ئەنجامدان لێ مە باوەری ب سوزێن بەغدا نێنە، چونکو بەری نوکە ژی گەلەک جاران بەغدا سوز دایە پشتەڤانیا ئێدارا شەرعیی شنگال بکەن بجە نەئێناینە.



مەحما خەلیل، قایمقامێ قەزا شنگال، دیارکر: "ئەو سەرپیچین حەشدا شەعبی و پەکەکێ ل شنگال ئەنجام دەت ھەموو دگەل سەرۆک کۆمارێ عێراقی و سازیێن بلند یێ عێراقی و نەتەوەیێن ئێکگرتی ھاتنە بەحسکرن، ھەتا ئەڤرۆ 18/1/2018 خەلکێ شنگال ژبەر حەشدا شەعبی و پەکەکێ نەشین زڤرنە شنگال وحکومەتا عێراقی سوز دان رێ نەدەن سەرپیچی بھێنە کرن ودەست ب ئاڤەدانیا شنگال بکە نلێ مە باوەری ب سوزێن بەغدا نێنە".



قایمقامێ شنگال، خۆیا ژی کر: "شاندەکێ ئێدارا شەرعیی یا شنگال سەرا بەغدا داینە ل رۆژا 17 - 18/1/2018 ئەڤرۆکە ژی چەندین کۆمبوون دێ سازیێن بلند یێ حکومەتا عێراقی ئەنجامداینە بۆ دەرخستنا پەکەکی ژ شنگال و ھەلوەشاندنا ئێدارا نە شەرعیی یا شنگال".
bas news-