به‌ڕێوه‌به‌رى ئاسایشی خورماتوو ده‌ستگیركردنى هه‌ردوو به‌رپرسی ڕێكخراوى به‌در و حزبولڵاى له‌لایه‌ن هێزه‌كانى به‌رپه‌رچدانه‌وه‌ى خێرا له‌ شارۆچكه‌ی خورماتوو ڕاگه‌یاند.



عه‌قید كاوه‌ مه‌لا په‌روێز، به‌ڕێوه‌به‌رى ئاسایشی خورماتوو، ڕاگه‌یاند: "ئه‌مڕۆ پێنجشه‌ممه‌(18-1-2018) له‌لایه‌ن هێزه‌كانى به‌رپه‌رچدانه‌وه‌ى خێرای عێراقه‌وه‌ هه‌ریه‌كه‌ له‌ عاتف نه‌جاڕ به‌رپرسی ڕێكخراوى به‌در و ئه‌حمه‌د ئه‌سعه‌د جایرلی به‌رپرسی ڕێكخراوى حزبوڵڵا له‌ قه‌زاى خورماتوو ده‌ستگیركران".



گوتیشی: "دوێنێ 17/1/2018 له‌لایه‌ن هه‌مان هێزه‌وه‌ به‌رپرسی عه‌سائیبى ئه‌هلى حه‌ق له‌ شارۆچكه‌كه‌ ده‌ستگیركراوه‌".



به‌پێی زانیارییه‌كان به‌هۆی درووستكردنی كێشه‌ و ئاژاوه‌ له‌ شارۆچكه‌كه‌ حكوومه‌تی عێراق بڕیاری ده‌ستگیركردنی ژماره‌یه‌ك له‌ به‌رپرسانى گرووپه‌ چه‌كدارییه‌ توركمانییه‌كانی له‌ خورماتوو داوه‌ و له‌ چه‌ند ڕۆژی داهاتووش ژماره‌یه‌كی دیكه‌یان ده‌ستگیرده‌كرێن.



bas news-