دهستهیا ڤهكۆلینى و كۆمكرنا بهلگهنامهیان: بهلگهیێن مه تێرا هندێ ههنه جینۆسایدا ئێزدیان بهێته ناساندن
دادوهر ئهیمهن مستهفا، سهرۆكێ دهستهیا ڤهكۆلینى و كۆمكرنا بهلگهنامهیێن جینوسایدێ ل دهۆكێ راگههاند، د ڤهكۆلینێن مه دا ئاشكرابوویه مهرهما تیرۆرستان ئهو بوویه ئێزدیان ژناڤ ببهن، نوكه ڤهكۆلین دهێته كرن ل دویڤ دا دێ دویڤچوون ل سهر كارهساتا شنگال دهست پێ كهت، ل دویڤ ههمى ستانداردێن جیهانى كارهساتا شنگال جینوسایده و ل دویڤ ئهنجامێن ڤهكۆلینێن هاتینه كرن ههتا نوكه گهلهك تشت ئاشكرا بووینه تیرۆرستێن داعش ڤیاینه ئولا ئێزدیان ژناڤ ببهن.
دادوهر ئهیمهن مستهفا گۆت: "هژمارهكا زۆر یا قوربانیانیێن هاتینه دیتن و گهلهك جۆرێن بهلگهنامهیان یێن هاتینه كۆمكرن وهكو مادى و جنائیى و دیكۆمێنتان، زێدهبارى فوتو و ڤیدیو و ئاخڤتن یێن قوربانی و دیدهڤانان و ههموو جۆرێن بهلگهنامه و دیكومێنتان یێن هاتێنه كۆمكرن و تێرا هندێ دكهن بریارا جینوسایدێ ل سهر بهێته دان.
سهرۆكێ دهستهیا ڤهكۆلینى و كۆمكرنا بهلگهنامهیان بۆ جینوسایدێ ل دهۆكێ ئاشكرا كر كو ههتا نوكه لیژنێن نهتهوهیێن ئێكگرتى یا سهلماندى ئهوا ل شنگال هاتیه كرن جینوسایده، ههتا نوكه ئهم یێن گههشتینه ئهنجامێن زۆر باش، لێ ئهم نهشێین بریارا جینوسایدێ بدهین، ئهڤه دێ مینیت بۆ دادگههێن نێڤدهولهتى، چونكو ب تنێ ئهم بهلگهنامه و ڤهكۆلینێ بۆ جینوسایدێ دكهین.
خۆیا ژى كر حكومهتا ههرێما كوردستانێ دێ كهیسا جینوسایدێ رهوانهى دادگهها نێڤدهولهتى كهت، ئهم نهشێین چارهنڤیسێ گونههبارى دهست نیشان بكهین، بۆ نموونه ههكه ئهم گونههبارى دهستهسهربكهن و دانپێدانێ بكهت ئهم سزا بدهین، ئهڤه مه كهیسا جینوسایدێ گرتن و چو دهلیڤه بۆ دادگهها نێڤدهولهتى نامینیت.
گۆتیشى: " 80% دیكومێنت و بهلگهنامه كهسێن سكالا تۆماركرین ئێزدى نه و 20% بهلگهنامه و دكیومێنت و كهسێن سكالا تۆماركرین مهسیحى و شهبهك و توركمان و كاكهیى.
bas news-
