دەزگای خێرخوازیی بارزانی بەردەوامە لە ھاوکاریکردنی خێزانەکانی کەرکووک و خورماتوو، کە بەھۆی ئاڵۆزییەکانەوە ناچاربوون ژیان و ماڵی خۆیان بەجێ بھێڵن و روو لە پارێزگاکانی دیکەی کوردستان بکەن.



ئەمڕۆ سێشەممە 16/١/٢٠١٨ تیمەکانی دەزگای خێرخوازیی بارزانی لە شارەدێی قادر کەرەمی سەربە شارۆچکەی چەمچەماڵ، ھاوکارییەکانی بەتانی، سۆبە و پێداویستی خواردن و تەندروستییان پێشکەش ٢٠٠ خێزانی کەرکووک و خورماتوو کرد.



لە رۆژی یەکەمی ھاتنی خێزانەکانی کەرکووک و خورماتوو بۆ ناوچەکانی دیکەی کوردستان، دەزگای خێرخوازیی بارزانی بە ھانایانەوە رۆشتووە و جۆرەھا پێداویستی بە ھەماھەنگی و ھاوکاری رێکخراوە و ناوەندە جیھانی و ناوچەییەکان پێشکەش بەو خێزانانە کردووە.
bas news -