قایمقامی قەزای ناوەندی ھەولێر، لە راگەیەندراوێکدا ئاماژە بەوە دەدات، کە دوای پشکنین بۆ چەند مارکێتێک و سەموونخانەیە، بڕیاری داخستنی چەند شوێنێکیان داوە.

ئەمڕۆ سێشەممە 16/1/2018، قایمقامی قەزای ناوەندی ھەولێر، لە پەیجی تایبەتی خۆی، لە تۆڕی کۆمەڵایەتیی (فەیسبووک)، لە راگەیەندراوێکدا، ئاماژەی بەوە داوە، کە لێژنەی پشکنین و چاودێری بازاڕی سەر بەقایمقامیەتی قەزای ناوەندی ھەولێر، لەسەر سکاڵای ھاووڵاتییان، سەردانی ھەشت شوێنی گەڕەکی بریاتی، ھاوکاری و شادییان کردووە.

قایمقامی قەزای ناوەندی ھەولێر، ئەوەشی خستووەتەڕوو، کە پشکنینیان بۆ چەندین مارکێتێک، چێشتخانە و سەموونخانەیەک کردووە، کەموکوڕییەکانیان تۆمار کراون.
ئەوەش روون کراوەتەوە، لە ئەنجامی ئەم پشکنینانە، چەند شوێنێک، لەبەر زۆری کەموکوڕییەکانیان داخران و کاردانەوەی یاساییان بەرامبەر دەکرێت.








باسنيوز