بەرپرسێ راگەھاندنا بەرەڤانیا باژێری ل قەزا ئاکرێ راگەھاند، کو روودانەکا ئاگربەربوونێ ل پرۆژەکێ مریشکان ل ئاکرێ پەیدابوویە و 400 مریشک سۆتن و زیانێن مەزن ژی ب پرۆژەی کەفتن.



نەقیب فیراس ئیبراھیم، بەرپرسێ راگەھاندنا بەرەڤانیا باژێری ل قەزا ئاکرێ، دیارکر: "ئەڤرۆ رۆژا دوشەمبی 15/1/2018، روودانەک ئاگربەروونێ ل پرۆژەکێ مریشکێن قەزا ئاکرێ ل گۆندێ (بامشمش) پەیدابوو و تێدا 400 مریشک سۆتن و پتر ژ 2 ھەزار مریشکان ژی ھاتینە قورتالکرن و زیانێن مەز ب پرۆژەی کەفتینە".



ئاشکرا ژی کر، ئەگەر تیمێن ئاگربەربوونێ زوو نەگەھشتبانە جھێ روودانێ، دا زیانێن گەلەک مەزنتر ب پرۆژەی کەڤن، چونکو جھێ روودانێ گەلەک یێ ب زەحمەت بوو ھەتا ئاگر ھاتیە ڤەمراندن و گۆتیشی: "خودانێ پرۆژەی یێ بێ مۆلەتا ڤێتێرنەری بوو".
bas news-