كه‌مێك پێش ئێستا كۆبوونه‌وه‌ی هه‌ردوو شاندی حكوومه‌تی عێراق و حكوومه‌تی هه‌رێمی كورستان له‌ شاری هه‌ولێر كۆتایی هات و به‌رپرسێكی باڵای حكوومه‌تی هه‌رێمی كوردستانیش ده‌ڵێ ته‌نیا چه‌ند خاڵێكی كه‌م ماون كه‌ هه‌ردوولا له‌سه‌ری ڕێكبكه‌ون.

مه‌ولود باوه‌مراد وه‌زیری گواستنه‌وه‌ و گه‌یاندنی حكوومه‌تی هه‌رێمی كوردستان به‌ وه‌كاله‌ت له‌ لێدوانێكی ڕۆژنامه‌وانیدا ڕایگه‌یاند كه‌ تاوه‌كو ئێستا به‌غدا و هه‌ولێر نه‌گه‌یشتوونه‌ته‌ ڕێككه‌وتنی كۆتایی سه‌باره‌ت به‌ ده‌روازه‌ سنوورییه‌كان و كردنه‌وه‌ی فڕۆكه‌خانه‌ نێوده‌وڵه‌تییه‌كانی هه‌رێمی كوردستان و هیچ واده‌یه‌ك سه‌باره‌ت به‌ كردنه‌وه‌ی فڕۆكه‌خانه‌كان دیارینه‌كراوه‌.

گوتیشی: "هیچ واده‌یه‌ك بۆ كۆبوونه‌وه‌ی داهاتووی نێوان شاندی باڵای هه‌ولێر و به‌غداش دانه‌نراوه‌ و وا بڕیاره‌ ئه‌وان (شاندی به‌غدا) واده‌یه‌ك دیاری بكه‌ن و ڕووحییه‌تێكی باش هه‌یه‌ بۆ لێكتێگه‌یشتن و ئێستا ته‌نیا چه‌ند خاڵێكی كه‌م ماون كه‌ هه‌روولا له‌سه‌ری ڕێكبكه‌وین".








باسنيوز