دەستەی بەرگری لە زیندانیانی سیاسیی هەرێمی كوردستان لە پرێس کۆنفرانسێکدا ڕایان گەیاند حكوومەت و پەرلەمان و لایەنە سیاسییەكان ئاوڕی جیدییان لێ نەداونەتەوە، بۆیە داوا دەكەن لێژنەیەك بۆ بەدواداچوون بۆ ئەو كەموكوڕی و ماف و ئیمتیازاتانەمان پێك بهێندرێت، كە لەلایەن حكوومەتەوە پێشێل كراوە.

ئەمڕۆ دووشەممە 15/1/2017 دەستەی بەرگریكردن لە زیندانیانی سیاسی لە پرێس كۆنفرانسێكی ڕۆژنامەوانیدا لە هەولێر ڕایان گەیاند، حكوومەت و پەرلەمان و لایەنە سیاسییەكان ئاوڕی جدییان لە زیندانیانی سیاسی نەداوەتەوە و وەك كەسانی پلە دوو حیسابیان بۆ كراوە و ئەوەش جێگەی داخە، بۆیە داوا دەكەین لێژنەیەك پێك بهێندرێت بۆ بەدواداچوون لەو كەموكوڕی و ماف و ئیمتیازاتانەی كە لەلایەن حكوومەتەوە پێشێل كراون.

هەر لەو پرێس كۆنفرانسەدا بەیاننامەی كۆمەڵەی زیندانیانی سیاسی خوێندرایەوە و تێیدا ئاماژە كرا بە، سەركۆنەكردنی هەر پیلان و دەستدرێژییەكی دوژمنكارانە بەرامبەر خەڵكی كوردستان.

دەستەی بەرگریكردن لە زیندانیانی سیاسی جەختیش دەكەنەوە: "هەر وەك چۆن ئامادە بووین گیانمان بەخت بكەین، بە ڕەواشی دەزانین داكۆكی لە مافە زەوتكراوەكانمان بكەین و ڕوو لە حزب و دەسەڵاتدارانی هەرێمی كوردستان بكەین تا ئاوڕی جیدیمان لێ بدەنەوە".









باسنيوز