یەکێتیی نیشتمانیی کوردستان داوا لە ئاڵا تاڵەبانی، ئەندامی پەرلەمانی عێراق دەکات، بەناوی سەرۆکی فراکسیۆنەکەی قسە نەکات.



بەپێی زانیارییەکان لە چەند دیدار و شوێنێکی جیاوازدا ئاڵا تاڵەبانی وەک سەرۆکی فراکسیۆنی یەکێتی لە پەرلەمانی عێراق خۆی ناساندووە، لە کاتێکدا لەو پۆستە لادراوە و ئارێز عەبدوڵا سەرۆکی فراکسیۆنەکەیە.



لەمبارەیەوە ڕێزان شێخ دلێر، ئەندامی ئەنجومەنی نوێنەرانی عێراق لە فراکسیۆنی یەکێتی ڕاگەیاند: ئارێز عەبدوڵا کراوە بە سەرۆکی فراکسیۆنی "یەکێتێی و ئەو بەناوی فراکسیۆنەوە قسە دەکات نەک کەسی دیکە". باسیشی لەوە کرد کە "ھیچ کەس و لایەنێک بۆی نییە" سانسۆر لەسەر قسەکردنی ئەندامانی پەرلەمان دابنێت.


ماوەیەک دوای ئەوەی ئاڵا تاڵەبانی لە دیدارێکی تەلەڤزیۆنیدا ئاماژەی بەوە کرد کە ڕایەک هەیە دەڵێ ڕەچەڵەکی تاڵەبانییەکان عەرەبی شیعەیە و لە هۆزی (بەنی ئەسەد)ە، مەکتەبی سیاسیی یەکێتی بڕیاری دا لە سەرۆکایەتیکردنی فراکسیۆنی یەکێتی لە پەرلەمانی عێراق لای بدات.



باسنیوز