سەرۆكێ‌ كۆتلەیا برایەتی و پێكڤە ژیان ل ئەنجوومەنێ‌ پارێزگەها مووسل راگەهاند، حەشدا شەعبی یا بەردەوامە د سیاسەتا خۆ یا تەعریبكرنێ‌ دا و ل چەند رۆژێن بۆری 10 رێڤەبەر و كەساتیێن كورد ژ پۆستێن وان لاداینە.


بەرەكات شەمۆ، تایبەت راگەهاند، حەشدا شەعبی ب هەموو شێوەیان یا بەردەوامە ل سەر دژایەتی و تەعریبكرنا دەڤەرێن كوردی و لاوازكرنا پرسا كوردی و ل چەند رۆژێنن بۆری ژی 10 كەساتیێن كورد ژ پۆستێن وان لاداینە و ل شوونا وان هندەك كەسێن عەرەب داینە، بەلێ‌ ئەو كەسێن هاتینە دانان ژی چو شەرعیەتا خۆ نینە.

شەمۆ ئاشكرا ژی كر، ل ماوێ‌ بۆری دا و هەتا نها چوار رێڤەبەرێن ئیداری ل شنگال ژئالیێ‌ حەشدا شەعبی ڤە هاتینە لادان و چوار كەسێن عەرەب ل شوونا وان داناینە و گۆتیشی: هەتا نوكە رێڤەبەرێ‌ ناحیا گرعزێر و رێڤەبەریا ناحیا سنوونێ‌ و ناحیا قەیرەوان و پۆستێ‌ قائیمقامێ‌ مووسل و رێڤەبەرێ‌ ئاڤا مووسل ژی ژلایێ‌ حەشدا شەعبی ڤە هاتینە گوهۆرین و نها ژی د وێ‌ بزاڤێ‌ دانە رێڤەبەرێ‌ وەبەرهێنانا مووسل ژی بگوهۆرن كو پشكا كوردایە و رێڤەبەرەكێ‌ كورد ب رێڤە دبەت).

سەرۆكێ‌ كۆتلەیا برایەتی و پێكڤە ژیان ل ئەنجوومەنێ‌ پارێزگەها مووسل ئاماژە ب وێ‌ یەكێ‌ ژی كر، ئەو پۆستێن هاتینە گوهۆرین چو شەرعیەتا خۆ نینە و خەلك سەرەدەریێ‌ ل گەل ناكەت.











باسنیۆز