بەرپرسێ راگەھاندنا رێڤەبەریا چاکسازیا زرکا ل دھۆکێ، راگەھاند، کو ئەڤرۆ رۆژا پێنج شەمبی رێکەفتی 2018/1/11 و ل دەمژمێر 8:30 ھەشت و نیڤی سپێدێ، لژنەیا لێبورینا گشتی ل دھۆکێ دەست ب کارێ خۆ کر و ل دانێ ئێڤاری 75 زیندانی ئازادکرن.



عرفان محەمەد ئەمین، بەرپرسێ راگەھاندنا رێڤەبەریا چاکسازیا زرکا ل دھۆکێ، راگەھاند: "پشتی لیژنا لێبورینا گشتی پێداچوون د دوسەیێن دادگەھکریێن دھۆکێ دا کرین، ئەڤرۆ رۆژا پێنچ شەمبی ل دەمژمێر 3:30 ئێڤاری، 75 دادگەھکری ھاتنە ئازادکرن، ژ وان ژی 37 دادگەھکری ئەو بوون یێن مادێن بێھوشکەر بکاردئینان نەکو بازرگانی پێ دکر، ھەروەسا 35 دادگەھکریێن ب تۆمەتا کۆشتنێ ھاتینە دادگەھکرن و سێ دادگەھکریێن ب تۆمەتا سەختەکاریێ ھاتینە ئازادکرن".



ناڤبری ئاشکرا کر، ل گورەی لێبورینا گشتی ئەوا ژ پەرلەمانێ کوردستانێ دەرچوویی، پشتی جەریدا (وقائیع کوردستان) ماددەیێن لێبورینا گشتی ژێ دگریت بەلاڤکرین.
لیژنەیا ناڤبری دێ ل سەر کارێ خۆ بەردەوام بیت و ل رۆژێن دەواما فەرمی ھەتاکو دوسەیێن لێبورینا گشتی ژێ دگریت ب دووھای دھێن.
bas news-